CHAPTER 32—Chitchats to friend

Karamihan sa mga taong nagsasayaw bago kami pumasok ay nagsitigil. Mataman nilang tiningnan si Rome. Ang iba ay walang reaksyon. Ang iba naman, lalo na ang mga babae ay nagsisigawan at nagkikiligan.

‘Di niyo ba nakikita, katabi niya ‘yung babaeng para sa kanya?! Tusukin ko ang mata niyong lahat e.

Napansin ko na ang ganda sa mata ang venue. Vintage ang theme. Marami ring mga bulaklak. Kasal ba ‘to o birthday?

Dire-diretso si Rome sa loob ng venue.

Vintage brown pala sa entrance, maya-maya napalitan na ng makulay ang paligid at may disco light malapit sa stage. May mga bars din kung saan umiinom at nagkukwentuhan ang mga bisita. May mga kumakain at may mga nagsasayawan.

Nakita ko ang isang babae’ng naka-blue gown at napakarami niyang jewelries na nakasabit. Mayroon din siyang sash na nakasulat na happy 25th birthday.

“Rome! I thought you would not come!”

Yumakap siya kay Rome na halos magpabuhat na. Hindi ko mapigilan ang mapatitig sa kanya mula ulo hanggang paa. Hindi man lang a