Ep2 Chapter 41

"Sir.. kakain na po ba kayo?" tanong ng nurse sa kanya habang nanonood siya ng T.V.

"Hindi pa. Pwede kayong mag off ng sabay sabay. Nandiyan naman si Miles. Para makapahinga naman kayo" nilingon niya ito na nakangiti.

"Talaga po sir?" gulat na gulat ito.

"Oo naman. Matagal tagal na rin kayong na stress sakin. Panahon na para ako naman ang bumawi sa inyo." kinuha niya ang wallet at kumuha ng tatlong tig 1000 dollars "bonus niyo ito."

"Naku sir.. maraming salamat po sa inyo" sabi ng nurse. Nagmamadali itong pumunta sa kwarto nila. Paglabas nito, kasama na nito ang dalawa pang nurse. Nagpasalamat silang lahat sa kanya.

Plano niya pag alis ng kanyang mga nurse, maghahanap siya ng mga ebidensya na nagpapatunay sa kanyang hinala na pinapainom siya ng mga ito ng gamot na mas nagpapalala ng kanyang kundisyon.

Masayang nagpaalam ang mga ito sa kanya. Pinanood niya ito hanggang sa makalayo, noong masiguro niya na nakaalis na ang mga ito, saka siya pumasok sa silid na tinutuluyan ng mga nurse. U