Ep2 Chapter 12

'Aba.. at nawiwili naman ata ang lalaking ito!' sabi niya sa sarili ng matanawan ang sasakyan ni Bernard na nakapark pa rin sa harapan ng bahay. 'May kakapalan talaga ang mukha. Yari to sakin.'

Nagmamartsa siyang naglakad patungo sa bahay. Sarado ang pinto, ngunit hindi nakalock.

Binuksan niya ito, walang tao sa baba. Sarado ang mga pinto ng kwarto. 'Asan na yung kapatid ko?'

"Marlooon? Marlooon!!" tawag niya sa kapatid.

Lumabas buhat sa tulugan ni Marlon si Bernard.

"Andyan ka na pala" nakangiti nitong bati sa kanya.

"Hindi, drawing lang ako. Hindi ako to.." pamimilosopo niya "ano pang ginagawa ko dito? bakit hindi ka pa umuuwi?"

"Kasi..."

"Kasi ano? feeling mo okay na tayo ulit na welcome ka na dito?"

"Hindi naman, pero.."

"Pero ano? gusto mo pang mag stay? para ano? matikman ako, ganun? atat na atat ka ba sakin at hindi ka makamove on?"

"Grabe ka naman" napayuko si Bernard.

"Ano pa ba kasing ginagawa mo dito?" nakapameywang niyang tanong.

"Si Marlon kasi nilalagnat" sagot nito.

"Ha