CHAPTER 114

“MANANG TERRY SINO po ba ang dumating?” Tanong ni Cathy sa katulong nang maulinigan ang pagbukas ng pinto. Kakatapos lang niyang palitan ng damit ang baby niya, inihiga niya ito sa kuna.

“Andy?” Gulat na sabi niya, two months na simula nang makapanganak siya at ngayon lang ito nagpakita sa kanya.

“Hi,” sabi nito sa kanya saka nilapitan ang baby nila, nakamasid lang siya rito habang hinihintay ang magiging reaction nito. “K-kamukha mo sya,” anito nang lingunin siya.

“Sabi nga nila,” sagot niya, “Pero nakuha nya iyong lips mo at saka siguro iyong height mo kasi sabi ni Dra. mahaba raw siya. Tingnan mo iyong mga legs nya,” nagmamalaking sabi niya rito.

Napangiti ito, “Mabuti naman kung sa height ko sya nagmana.” Anitong humarap sa kanya, tiningnan siya ng matiim, “Kumusta ka na?”

Nagkibit siya ng balikat, “Ano ba sa palagay mo?” Halos paanas lang na sagot niya. Ramdam niya ang pangingilid ng kanyang mga luha, God, namiss ko