Chapter 65

MALAKAS ang buhos ng ulan nang gabing umuwi si Tracy sa kanilang bahay. Simula kasi nang mag-asawa siya ay hindi na siya kumuha ng personal driver mula sa Daddy niya. Pinili niya ang mag-commute dahil may mga taxi na pwedeng makuha by online. Si Fien naman ay may sariling kotse pero nahihiya siyang makisabay dito lalo na at laging maaga itong umaalis.

Pagkababa niya ng taxi ay kaagad niyang napindot ang door bell sa gate na may munting bubong. Mga ilang saglit pa ay humahangos na lumabas ng bahay si Manang Ercie habang may dalang payong.

“Naku Ma’am, ginabi na po kayo at nabasa pa kayo ng ulan,” mabilis na binuksan nito ang gate at pinapasok siya. Kaagad siyang nakisukob sa payong nito at ramdam niya ang pagsigid ng laming sa katawan niya. Nabasa na ang suot niyang office attire.

“Kaya nga po natagalan ako ng uwi, nahirapan akong humanap ng masasakyan,” nanginginig na sabi niya sa katulong habang naglalakad sila patungo sa bahay. Napakapit siya ng mahigpit sa handle ng payong dahi