Chapter 45

“PARATING na d’yan ang susundo sa’yo,” imporma ni Greggy kay Tracy habang magkausap sila sa cellphone. “Just in case na makapag-donate ka ng dugo, dumiretsong uwi ka na para makapagpahinga. Ako na muna ang bahala sa naiwang gawain mo dito sa resto.”

“Maraming salamat Madam, sana nga po mag-match ang dugo namin ng tita ng friend mo,” aniya na napausal ng panalangin sa isip. Naroon na siya ng labas ng entrance ng Complex. Doon niya hinihintay ang maghahatid sa kanya sa isang private hospital sa Manila.

“Sana nga Tracy, para mabawasan ang pag-aalala ng friend ko sa tita niya,” ani pa ng boss niya na narinig pa niya ang paghinga nito. “Oh, siya mag-ingat ka at update mo kaagad ako.”

“Sige po Madam, salamat po ulit,” naputol na ang tawag ni Greggy sa kanya. Namataan niya ang isang van at nakita niya ang plate number. Katulad ng ibinigay ng kaibigan ng boss niya kung kaya inihanda na niya ang sarili sa pag-alis.

Eksaktong paghinto sa tapat niya ay bumukas ang isang bintana sa gawi niya.