Chapter 41

(Sera POV)

“Kaya mo ako binanga dahil may nanakawin ka sa akin!” Ninakaw ko ang bracelet ng babaing ‘to? Pangalan niya Mrs. Ling hindi ba? “Ninakaw mo ang bracelet ko!”

Tuluyan na ata akong nakapasok sa isang napakalaking kalokohan ng iskandalong ito.

“Wala akong ninakaw.”

“Mrs. Ling,” Pumagitna na sa amin si Ate Wilma. Napatitig siya sa akin, at nahihiyang ngumiti naman kay Mrs. Ling. “Isang napakalaking pagkakamali ito. Alam niyo po, minsan na nga pong naging magnanakaw si Sera, pero sa tingin ko nagbago na siya. Kaya baka ho…”

“Hindi Madam Yao. Sinadya niyang mabungo ako para nakawin ang mamahalin kong porselas!”

Hindi sa angal ng ni Mrs. Ling ako di makapagsalita, kundi sa sinabi ni Ate Wilma na minsan na akong magnanakaw? Parang lalo niya akong idiniin? Ako minsan na akong nagnakaw? Ate Wilma, talaga bang pinagtatangol mo ako o hindi. Saka, talagang nawiwili siyang tawagin na Madam Yao. Nakakatawa ang nangyayaring ito, sobrang nakakatawa, Ate Wilma.

Lalong dumami ang naki-isyoso