CHAPTER 43

AMBER RIZALYN JOY...

Hindi s'ya nakatulog ng maayos dahil sa sobrang init. Walang ibinigay na electric fan si Howald sa kan'ya kaya tiniis n'ya na lang ang sobrang init.

Wala din s'yang kama o kahit kutson man lang. May ginawa s'yang higaan mula sa nakitang empty box kahapon ng linisin n'ya ito.

Katabi n'ya sa pagtulog ang iba pang mga gamit na nakatambak sa bodega. Parang tinatarakan ng punyal ang kan'yang puso ngunit para sa anak ay titiisin n'ya ang lahat.

Bumangon na s'ya at kumuha ng damit sa kanyang bag. May banyo sa labas ng bodega na pwede n'yang gamitin.

Mabilis ang mga kilos na naligo s'ya at nagbihis. Kailangan n'yang magluto ng almusal para sa kan'yang mag-ama.

Nang matapos s'yang maligo at makapag-ayos ay agad s'yang pumasok sa mansion. Naabutan n'ya sa sala ang lalaking kausap kahapon ni Howald.

"Ahmmm, magandang araw ho, saan banda ang kusina? Magluluto sana ako ng almusal ng ana— ng amo ko," nauutal na tanong n'ya rito.

"Sumunod ka sa akin," seryosong sagot nito. Wa