Chapter 43

"Kailan ako uuwi kay Mommy, Daddy?" tanong ni Jonas kay Johan habang nakasakay sila sa elevator patungong sa hotel suite.

"Ngayon na nga lang tayo ulit nagkasama tapos gusto mo na agad umuwi?" tanong ni Johan sa anak na kunwari ay magtatampo na ikinahagikgik nito.

Pasalamat si Johan dahil hindi nasaksihan ng kanilang anak ang eksena sa pagitan nila ni Chestine dahil naka-tinted mula sa loob ang bintana ng sasakyan at saktong nakasuot ito ng headseat at abala sa paglalaro ng online games kaya naman walang kaide-ideya ang bata na wala nang balak ang Daddy niya na ibalik siya sa bahay ng ina.

"I'm just asking Daddy," sagot ni Jonas at pinisil lang nito ang pisngi niya sabay tunog ng elevator hudyat na nasa tamang palagpag na sila.

Nakakailang hakbang pa lang sila nang bigla silang mapahinto nang tumigil sa harap nila ni Jonas ang isang babae na parang pamilyar sa kanya.

"Johan??" gulat na bungad ng babae sabay hubad ng suot nitong shades na tila sinisino pa siyang mabuti.

Ngayon lang nap