CHAPTER 37

Nagising si Cassy na may mga tinig na naririnig sa paligid. Dahan-dahan n'yang iminulat ang kan'yang mga mata. Inilibot n'ya ang tingin sa paligid at nakitang nasa parehong kwarto pa rin s'ya dito sa bahay ni Santino.

Biglang sumagi sa kan'ya ang nangyari bago nawalan ng malay. Ang video na napanuod n'ya na s'yang dahilan ng pagdilim ng lahat sa kan'ya.

Biglang bumalik sa kan'yang alaala ang masakit na kahapon na hanggang ngayon sariwa at dala-dala n'ya pa rin.

Tumulo ang kan'yang mga luha sa naisip. Hindi n'ya akalain na may mas masahol pa pala na ginawa ang mga walang pusong mga taong iyon. Pinahid n'ya ang mga luha, hindi s'ya dapat umiiyak, kailangan n'yang magpakatatag.

Hanggang ngayon tinutugis n'ya pa rin ang lahat ng sangkot sa krimen na nangyari limang taon na ang nakaraan.

Ipinangako n'ya sa sarili at sa puntod ng taong iyon na uubosin n'ya ang lahat ng involve sa karumal-dumal na krimen na nangyari sa kanila.

Nasa ganon s'yang pag iisip ng bumukas ang pintoan ng kan'yang