41.

Nanginginig ang kamay ni Erza habang paroo’t parito siya sa paglakad sa loob ng kanyang silid. Nang kumatok si Aling Erwina ay agad na isinara ng ginang ang pinto ng masiguro na walang ibang tao na makakarinig sa kanila.

“D-Diyos ko mabuti naman kung gano’n!” Naluluhang bulalas ng matanda ng sabihin ni Erza na nakita niya si Apol.

“Hindi ko maintindihan kung bakit hindi nakilala ni Marjo ang anak namin, Aling Erwina. Kung nagpa-imbestiga siya dapat nakilala niya si Apol. Pero kung titingnan ay parang wala siyang idea na anak namin ang kaharap niya. Hindi ba’t nakapagtataka?”

Tumango si aling Erwina. Tama si Erza, nakapagtataka na hindi nakilala si Apol ng ama nito.

“Hindi kaya dahil kay Xerxes? Ang sinabi sa akin ni Marjo ay asawa ni Xerxes si Apol… hindi kaya siya ang dahilan kung bakit nakilala ni Marjo ang anak namin, at siya rin ang nagpalabas na patay na ang dalawa kong anak?” Naluluha na naihilamos ni Erza ang kamay sa mukha. Sobra siyang nagpapasalamat dahil nalaman niyang buh