Chapter Thirty Nine 

Shucks, wika ni Hannah nang humarap siya sa salamin. Namamaga ang kanyang mga mata kaya ngayon hindi niya alam kung paano pa siya lalabas ng silid. Talaga kasing nagugutom na siya at pakiramdam niya'y wala na siya talagang lakas. Masyado ng nasaid ng sakit na nararamdaman niya. 

"Ang pangit mo. Paano ka pa magustuhan ni GB niyan?" Naiinis niyang tanong habang nakaharap sa salamin. 

Tumigil na rin sa kakakatok si GB. Dapat sana ay masiyahan siya dahil hindi na siya nito kinukulit. Iyon din naman ang gusto niya pero bakit ang bigat-bigat ng pakiramdam niya. Parang gusto niyang buksan ang pintuan, tumakbo pababa ng hagdanan at tingnan ang ginagawa ni GB. 

Nais niyang siguraduhin na hindi na magkasama at magkausap sina GB at ang babaeng iyon. Napangisi siya sa naging pagtukoy niya sa babaeng iyon. Walang