Chapter Ninety-One

MAHIGPIT na mahigpit pa rin ang yakap ni Gray kay Hannah. Gusto niya kasing iparamdam dito na kahit na anong mangyari ay hinding-hindi niya ito pawawalan. Naikuyom niya ang kanyang kamao nu’ng maalala niyang may nagtatangka na agawin si Hannah sa kanya. Blue raw ang pangalan, sabi ni Nicole. Ipinalalarawan niya ito sa babae pero tumanggi ito. Saka na raw kapag nakasigurado na itong ligtas na ang kapatid nitong si Mimi. 

Dapat sana ay sabihin niya kay Hannah ang nangyari kanina. Mag-asawa sila at mag-bestfriends pa kaya dapat lang sana na wala silang lihiman. Ito nga’y hindi nilihim sa kanya nu’ng isinusuhestiyon ng kanilang Ninang Adelaida na iwanan siya ni Hannah para siya ay mailigtas. Sa tingin naman kasi niya’y walang banta sa kanyang buhay. At kung mayroon man, wala siyang pakialam Ang importante sa kanya ay mailigtas niya ang kanyang mahal. 

Ayaw niyang matakot ang kanyang misis kaya minabuti na lang niyang ilihim dito ang pagkik