Kabanata 69

Nagising ako sa isang malaki at maaliwalas na kwarto. Takang inilibot ko ang mga mata sa kabuuan ng paligid. Hindi ito ang tipikal na kwarto ng isang kidnap victim dahil napakaganda nito. Mas magara pa nga sa kwarto ng bahay namin kung tutuusin.

Nang bigla na lamang rumihestro sa utak ko ang mga kaganapan bago ako nawalan ng malay.

"Shit!"

Natakpan ko ang bibig kasabay ng pagkawala ng aking mga luha. Nasaan ako? Sino ang mga dumukot sa 'kin? Anong motibo nila? May kaugnayan ba ito sa mga kalaban ni mommy? At ano ng mangyayari sa akin ngayon? Paano na ang anak ko?

Sunod sunod na tanong ng aking isipan. Kinakabahan at gulong gulong ngunit nanaig ang nararamdaman kong tapang ngayon nang maalala ang anak kong tiyak na kanina pa naghihintay sa pag- uwi ko.

Buong tapang akong tumayo at tinungo ang pintuan. Pinihit ko ang doorknob at gaya ng inaasahan ko na ay nakalock nga ito.

"Buksan niyo 'to! Mga hayop! Palabasin niyo ako rito!"

Ilang beses ko itong kinalampag ng malakas ngunit hindi ko