Kabanata 12

Nagising ako nang makaramdam ng pagkaihi. Dahan dahan akong bumangon habang kinukusot ang mga mata nang mapagtanto ko na hindi ito ang kwarto ng boarding house ko.

Nanlaki ang mga mata ko, natutop ang bibig nang maalala kung nasaan ako.

Jusmeyo! Tinuluyan na pala ako ng antok ko kagabi at di ko manlang namalayan na napasarap ang tulog ko.

Dali dali akong tumayo at sinilip ang orasan na nakasabit sa dingding. Alas kwatro na pala ng madaling araw. Mabuti nalang at maaga pa. Kung di lang ako naiihi ay baka aabutin ako ng sikat ng araw dito.

Dahan dahan akong naglakad para tumungo ng CR. Pagkatapos ay wala na akong inaksaya pang oras at nagdesisyon na agad na umuwi kahit mukha akong lutang na ewan sa hitsura ko.

Nadaanan ko pa ang lalaking nakabaluktot sa sofa dahil sa katangkaran nito. Para pa tuloy akong nakokonsensiya dahil dito ito natulog habang ako'y nagpapasarap sa kama niya kahit siya naman itong may sakit.

Wala na rin akong balak na gisingin pa siya. Siguro naman ay umayos na ang