Chapter 283: I’m Addicted To Your Beauty

UMANGAT ang kamay ni Denise at pinahid niya ang ilang butil ng luha nito. Napabuntong hininga siya dahil wala na siyang kawala. At parang ang bilis ng pangyayari sa pagitan nilang dalawa at ang masaklap nangako siya ritong pakakasalan ito. 

“Teka tama ba ang ginawa ko?” anang munting boses sa utak niya ngunit hindi na niya ito ibinulalas pa. 

Muling lumapat ang labi ni Reymond sa labi niya, “Sige na, pumasok kana sa banyo at maligo. Tanghali na. Ihahatid na kita sa kompanya ninyo pagkatapos nating mag-agahan. Tumalima naman siya at agad na pumasok sa banyo. 

Tahimik namang lumabas sa silid na iyon si Reymond at bumalik rin kaagad tangan ang damit na isusuot ni Denise. Agad din siyang bumalik sa sariling silid at doon naligo at nagbihis.