Chapter 36: Bakasyon

Dumating ang pinakahihintay nilang araw. Ngayon ang araw na bibiyahe sila para sa kanilang bakasyon sa probinsiya. 

"Hon, wala ka na bang nakakalimutan?" tanong ni Estella sa asawa.

"I guess, wala na." sagot naman nito habang sinusuri ang mga dalahin. "Let's go downstairs now, baka hinihintay na nila tayo." Anito.

"Sige, tayo na." Sang-ayon niya at binitbit na ang kanyang shoulder bag. Dala naman ng asawa ang mga maleta na kinalalagyan ng kanilang mga damit at ilan pang mga gamit. Medyo marami rin silang dalang gamit dahil napagpasyahan nilang gawing isang linggo ang kanilang bakasyon. Nadatnan nila na masayang nag-uusap usap sila Roxanne, Pauline at ilang kasambahay sa sala. 

"O narito na pala sila Ate Estella," Nakangiting wika ni Roxanne.

"Mukhang handa na kayo," sabi niya sa kapatid at pinsan.

"Talagang handa na ate, kanina pa." Nakatawang sagot ni Roxanne.

"Well then, tayo na nang makapagpahinga muna tayo saglit sa airp