CHAPTER 14

Mabilis akong humakbang palabas ng bumukas ang elevator pero agad ding natigilan nang makita ko ang limang reporters na nakabantay sa lobby ng La Roché. Nang mapalingon sila sa gawi ko ay kaagad silang nagsilapitan at walang pakundangan na pinagkukuhanan ako ng larawan.

"Shit," mahina kong mura at tumungo, saka tinakpan ang sarili kong mukha dahil sumasakit ang mata ko sa nagkikislapang flash ng camera.

"Miss Ryza, totoo ba ang mga kumakalat na balita patungkol sa inyo ni Mr. Huarez?"

"Miss Ryza, ano ang masasabi mo sa mga lumalabas na larawan mo na may kahalikang lalaki sa social media?"

"Miss Ryza give us a statement please."

Nag-isip ako kung kakausapin at sasagutin ko ba ang mga ibinabatong tanong sa akin ng mga reporters, nang biglang bumukas ang glass door sa lobby at pumasok si Kuya Daryl. He was shocked when he saw the reporters flocking at me.

Kaagad siyang lumapit ng nakakunot ang mga kilay at walang pakundangan na hinawakan ako sa braso at marahang hinila palayo sa mga nag