67. Tanya's hatred

Hindi si Kiara nakagalaw sa pagkabigla ng lumapit sa kanya si Aling Josia—

Ang tunay n'yang ina!

"Anak!" Bumuhos ang masaganang luha ni Josia... Ang ilang taon na pangungulila ay natapos na. Ngayon ay yakap na niya ang kanyang anak na napakatagal n'yang hinanap...

Hindi namalayan ni Kiara ang dahan-dahan na pagpatak ng luha.

Si Aling Josia pala ang kanyang tunay na ina! Simula ng malaman niya na ampon lang siya ay sumagi sa isip niya kung makikita pa ba niya ang tunay n'yang mga magulang.

Ang daming tanong sa isip niya.

May kapatid ba siya? Ano ang mukha ng mga magulang niya? Hinanap ba siya ng mga ito? O pinaampon siya dahil hindi siya mahal?

"Aling— M-mama na po ba ang itatawag ko sayo?" May luha sa mata na lumayo siya rito.

Sunod-sunod na tumango si Josia sa anak. "Ang sarap sa pandinig na tawagin mo akong 'Mama, anak." Hinawakan nito ang kamay ni Kiara. "Sobrang tagal kitang hinanap. Ang tagal akong umasa na makikita kita ulit anak. Hindi ako sumuko, kahit isang beses, naniniwala