45. Hindi gano'n kamahal?

[Kiara]

Ramdam niya ang masamang tingin ni Olivia sa kanya. Mukhang galit pa rin ito sa sinabi niya kanina.

May mga tao talaga na mapanghusga tapos kapag binato mo pabalik ay galit na galit. Parang si Olivia lang.

"Cyrus!"

Natigil siya pagsubo ng marinig ang pagtawag ng ina ni Grant kay Cyrus.

"You can eat with us. Halika at tumabi ka kay Kiara." Iminuwestra ng Ginang ang kamay sa katabi n'yang upuan.

Pinagigitnaan kasi nila ni Kian si Grant.

Walang reaksyon na patuloy lang sa pagkain si Grant na para bang balewala lang dito ang narinig.

Iniwas nalang niya ang tingin sa asawa. Mukhang galit talaga ito sa kanya.

"Salamat po, Mrs. Somana." Ani Cyrus na agad na naupo sa tabi niya.

Nakita niya ang makahulugan na pagtitinginan nina Olivia at ng ina ni Grant.

Kung hindi niya lang alam na walang alam sina Olivia at ang Mama ni Grant na ex niya si Cyrus ay iisipin niya na nananadya ang mga ito.

Nagpahid siya ng table napkin sa labi at saka tumayo.

"Mauna na ako." Aniya, pero napahinto siya s