TZHS 16 - APPLYING FOR A NEW JOB

“Walang hiya talaga ang lalaking ‘yun. Crush ko pa naman sana siya.” Natutup ni Suzete ang bibig dahil sa huling sinabi niya. Nasulyapan kasi niyang masakit ang tingin sa kanya ng asawa. “I mean, nagustuhan ko pa naman sana siya para sayo dahil akala ko ang perfect niyang maging asawa.”

“Yan ba ang sinasabi mong perpektong lalaki? Nagkaproblema lang sila ng asawa niya, binaling na sa iba ang sama ng loob. Hindi dapat ganun.”

Galit niyang binalingan ang asawa ng sumabat ito sa usapan nila ni Brenda. “Bakit? Ikaw din naman ah. Nahuli rin kita nakaraan na may ka chat na ibang babae.”

“Honey, chat lang yun. Hindi ako actual na nakikipagkant*tan doon.”

“Susmaryosep Arnel, ang bunganga mo. Hindi ka na nahiya kay Brenda.” Saway niya sa asawa.

Ngunit natawa naman si Brenda dahil sa bangayan ng dalawa. Gayunpaman hindi pa rin nawawala sa isip niya ang imahe ni Rheniel at Eunice sa loob ng opisina nito. Ang sakit sa dibdib sa tuwing naalala niya. Ngunit kung iyon ang paraan ni Rheniel upang ka