C27 - CRAWFORD MEETING

“Pumasok ka na.” Seryoso din ang mukha nito. Galit ba silang lahat sa kanya? “Galit ba si Dad sa akin?” pabulong niyang wika kay Dharylle.

“Galit na galit. Ngunit ‘wag kang mag-alala. Hindi ka niya pagagalitan sa harap namin. Hintayin mo na lang mamaya kapag natapos siya sa meeting.” Sagot din ni Dharylle at pinaupo ang kapatid sa tabi niya. Sa likuran sila banda nakaupo.

“Bakit ano ang mayroon?” tanong niya?

“Pag-uusapan ang problema tungkol sa sabay-sabay na pag atake ng kalaban sa parehong Smith at Crawford.”

Napansin din ni Dustin ang pagpasok ng anak niya dahilan upang bahagya siyang natigilan sa pagsasalita. Ngunit agad din niyang napigilan ang galit. May panahon para kausapin ang anak niya. Ayaw rin niyang pahiyain ito sa mga kapatid at sa mga pinsan nito.

“Dustin baka pwede nating balikan ang lahat ng mga nakalaban ninyo noon ni Rhian. Naniniwala akong isa sa kanila o sa angkan nila ang malaking kalaban natin ngayon. Nakapagtataka naman na halos lahat tayo pinagsabay-sabay.