CHAPTER 068 - Her Only Wish

NAPANGITI SI TRINI nang makita ang reaksyon ng ina nina Gene na si Felicia Zodiac habang nakasunod ang tingin sa kanila. She and Gene were walking over the Zodiac's ancestral house, holding hands like they never used to. Nakatayo si Felicia sa veranda at sadyang hinintay ang pagpasok sila. Ang akma nitong pagbati ay naudlot nang bumaba ang tingin nito sa kamay nila ni Gene na magkahawak, at nang makita iyon ay biglang nanlaki ang mga mata nito sa pagkatulala.

"Hi, Ma," bati ni Gene nang makalapit. Sandali itong bumitiw sa kaniya upang lumapit at humalik sa ina.

Si Felicia na nagtataka pa rin ay hindi nakasagot sa bati ng anak. Ang tingin nito ay palipat-lipat kina Trini at Gene.

"What's... going on?"

"What do you mean?" si Gene, patay-malisya.

"Why are you and Trini walking with your hands clasping one another?"

"Hindi ba namin pwedeng gawin iyon?" Patuloy si Gene sa pagsasawalang-bahala. Napag-usapan na nilang simula sa araw na iyon ay hindi na nila itatago sa harap ng pamilya ang tu