KABANATA 44.2

Napataas ang kilay ko sa pag-igting ng panga niya. Maging ang mahigpit niyang hawak sa mesa ay ebidansya sa galit niya.

Hindi ko balak na sabayan ang galit niya. Pinagpasalamat ko na muling bumalik ang sekretarya at alangan pang lumapit matapos makita ang ayos namin at makita ang galit ni Rigel.

"Lapag mo na lang dito sa mesa. Salamat ulit." Tinuro ko pa ang mesa ni Rigel.

Alanganin itong tumango at nilingon pa si Rigel na sa akin lamang ang tingin. Pagkalapag niya ay nagmamadali pa siyang lumabas sa opisina.

Kahit na masama sa akin ang tingin ni Rigel ay patay malisya kong inusog ang folder at pinwesto ang donuts at baso ng gatas sa harap ko. Marahan ko pang sinubo ang isang donut na kinasulyap niya ng tingin.

Nginisihan ko siya na agad niyang kinaiwas ng tingin. Tumayo pa siya nang maayos at tumikhim.

"Gusto mo?" Inalok ko pa ang donut na kinagatan ko.

Sinulyapan niya lang iyon bago mabilis na binitbit ang mga folder at walang lingon-likod na humakbang palapit sa mesa ko. Pabagsak p