KABANATA 4

"Don't leave me like this, Baby," mahina niyang usal.

Nangunot ang noo niya sa naging panaginip at halos hatiin sa dalawa ang ulo ni Levi matapos magising. Mahina siyang napaungol matapos maramdaman ang kah*bdan niya sa ilalim ng kumot ngunit sumilay din ang ngisi sa kanyang labi.

It wasn't a dream. He got laid last night.

Natutuwa siya sa kaisipang nakapag-ehersisyo na naman siya kagabi sa kabila ng stress niya sa buhay. Ngunit napamulat ang mga mata niya matapos maisip na baka hindi na naman siya pakawalan ng babaeng nakasiping kung kaya't balak niyang tumakas. Lagi na lang kasing nagiging clingy ang bawat babaeng nakakasiping niya at kulang na lang ay itali siya sa leeg makasama lamang ulit o di kaya ay mapakasalan.

Sinubukan niyang damhin ang katabi ngunit nangunot ang noo niya matapos walang makapang bulto ng babae. Napabalikwas siya ng bangon at napatitig sa parteng iyon ng kama. May gusot at halatang may humiga roon ngunit wala ang babae. Dumapo ang tingin niya sa pinto at makitang may siwang ito, senyales na may lumabas roon.

"It was real, damn!" mahina niyang usal matapos maalala ang panaginip niya.

Akala niya ay kathang isip lamang na may pinipigilan siyang babae na huwag umalis ngunit tila ang nakasiping niya kagabi ang babaeng iyon.

Nasapo niya ang ulo at pumikit muli nang mariin matapos muling dumaloy sa isipan niya ang mga pangyayari kagabi. Bawat detalye ay naalala niya at halos mapamura matapos maalalang hindi siya gumamit ng kahit anong proteksyon.

"Damn, Archie, gulo na naman iyan," pagkausap niya sa sarili.

Napamulat siya at tumitig muli sa kama ngunit wala namang bakas ng dugo roon pero hindi naman lahat ng una ay dinudugo. Kumuyom ang kamao niya sa takot na baka mabuntis ang babae at bigla na lang maghabol. Kapag nangyari iyon ay limas lahat ng mana niya sa kanyang lolo at baka itakwil pa siya kahit nag-iisa siyang apo.

"I need to fix this mess," desididong bigkas niya bago bumangon at hinagilap ang mga damit.

Pinilit niya muling inisip kung ano ba ang itsura ng babae ngunit wala siyang maalala kung hindi ang perpektong katawan nito na kanyang hinagod sa kanyang mga palad. Napatitig siya sa kanyang palad at natigilan. Hanggang ngayon ay ramdam niya ang lambot ng katawan nito at mas napalunok siya matapos maalalang ang babae mismo ang sumakay sa tiyan niya ay binigyan siya ng magandang biyahe.

Bumigat ang kanyang paghinga at nakagat ang labi. Kahit hindi niya tanda ang itsura nito ay naging maganda ang gabi niya. Ngunit bumabalik ang takot niya na baka mabuntis ito. Gusto niya itong hanapin upang mabantayan at maagapan ang pagsugod nito sa mansyon nila o sa kumpanya kung sakali mang mabuntis ito. Pero sino ba ang niloloko niya? Sa gilid ng kanyang isip ay gusto niya itong hanapin dahil gusto niya ito muling makasama sa kama. Iba ito sa ibang babae na naghahabol sa kanya kung kaya't naisip niya na pupwede itong gawing fuck buddy para matigil na siya sa pagroromansa ng iba't ibang babae gabi-gabi.

Hinagod niya ang buhok at matapos maisuot ang pants ay hinagilap niya lang ang kanyang cellphone at wallet na napadpad sa paanan ng kama. Pagtingin niya ay kumpleto pa naman ang kanyang salapi at cards kaya't dumiretso na lang siya sa ibaba ng hotel at tumungo sa receptionist.

"Miss, may kasama akong babae kagabi di ba?" tanong niya sa receptionist na babae na bahagyang natulala sa kanya.

"Mr. Alcantara," mahinang bigkas nito.

Alam niyang may kasikatan ang apelyido niya ngunit hindi iyon panahon upang umaktong sikat.

"Nakita mo ba ang itsura?" tanong niya muli.

Nangunot ang noo nito at maaaring iniisip na nababaliw na siya't hindi maalala ang itsura ng nakasiping niya.

Napamura siya at hindi makapaghintay, "Pakitingnan nga ang pangalan sa listahan—"

"Pero kayo po ang nag-check in kagabi, Sir. Hindi ko rin po nakilala si Ma'am," anitong muling nagpamura sa kanya.

"I want to see the CCTV's."

Iyon na lang ang pag-asa niya upang matagpuan ito ngunit noong panoorin niya lahat ay walang malinaw na kuha sa mukha ng babae. Tabon ang buhok nito sa kanyang mukha at minsan naman ay nakasubsob sa kanyang dibdib.

Sunod-sunod na malulutong na mura ang pinakawalan niya bago lumabas ng hotel. At halos magmura siya muli matapos maalalang sasakyan ng babae ang ginamit nila patungo sa hotel at naiwan ang sasakyan niya sa convenience store. Wala tuloy siyang magawa kundi tumungo roon at tanungin na rin ang cashier sa itsura ng babae ngunit iba na ang naroon.

Namewang siya matapos rumehistro sa isipan kung paano silang napunta at humantong sa kama.

"Baog siya," mahinang usal niya. Iyon kasi ang naalala niyang kinaiiyak nito.

Kailangan niyang kumalma at alam niyang hindi ito mabubuntis, ngunit nagpaigting lang iyon sa kagustuhan niyang gawin itong fuck buddy dahil lusot siya sa responsibilidad kung sakali.

Nakagat niya muli ang labi at pasipol-sipol na sumakay sa sasakyan niya. Imbis na sa mansyon ay sa bahay ng kaibigan siya tumuloy.

"Ang blooming mo, Archie!" ani ng kaibigan kung kaya't nasuntok niya ito sa braso.

"G*go ka, Joselito. Ginawa mo pa akong babae."

Napasimangot ang kaibigan nito at mahina siyang sinuntok sa tiyan na kanyang kinahalakhak.

"Hina mo g*ago!" insulto niya sa kaibigan ngunit napailing-iling ito at inabot ang hawak na cellphone.

"Makatawa ka pa kaya kapag nakuha na ng mga Del Rosario ang mga investors niyo? Patay ka sa Lolo mo, Archie." Ngumisi ito habang siya ay napatitig sa litrato ng dalawang investors nila na kausap si Joseph Del Rosario.

"Levi Archer Alcantara was stripped of his wealth," biro ni Joselito na nagpakuyom sa kanyang kamao.

Hindi pwedeng malusutan siya ng mga ito. Hindi niya hahayaang mapamana lamang sa sakim na assisstant ng kanyang Lolo ang pinaghirapan ng mga magulang niya.

"Babawiin ko rin sila," aniyang tinutukoy ang mga investors.

Tinapik siya sa balikat ni Joselito at binulungan.

"Ligawan mo na lang iyong bunsong Del Rosario para tapos ang laban," mungkahi nito kung kaya't napabaling siya sa kaibigan.

Unti-unti siyang napangisi matapos maalala ang eleganteng babaeng miminsan niyang nakikita sa mga events.

"Baka magwala si Joseph Del Rosario kapag nagalaw ang prinsesa niya," aniyang winawaksi sa isipan ang magandang babae.

"Exactly, Archie! Hindi mo naman bubuntisin, roromasahin lang. Galitin ang dragon upang bumagsak ang kumpanya nila," komento nito.

"G*ago! Ang sama ng plano mo, baka makulong pa ako." Umiling-iling siya at winaksi ang ideya. Isa pa, ang babae kagabi ang naiisip niya.

"Alukin mo na lang ng kasal, Archie. Hindi ka naman rin lugi sa isang Beatrix Del Rosario. Maganda na, mabango pa. Para lumagay ka na rin sa tahimik," ani muli nito.

Ngumisi siya, "Iba ang makakapagpatahimik sa akin," aniya matapos sumilay sa isipan niya ang nangyari kagabi at alam niyang gagawin niya ang lahat mahanap lamang babaeng iyon.