Chapter 87

THREE YEARS LATER.

“Congrats ulit sa atin frenny, sold out ang lahat ng bagong dating na blouse at pant natin,” natutuwang sabi ni Ria saka kinamayan pa si Cataleya. Katulad ng kaibigan ay masaya rin siya ngayong hapon.

“Iba rin kasi ang galing mo sa marketing at pag-promote nitong store natin.” Inayos niya ng bahagya ang ilang naka-hang air na mga t-shirt sa isang rack.

“Well, dagdag bonus na pareho tayong maganda.” Napatawa pa si Ria sa tinuran nito.

Napailing na nangingiti siya sa kaibigan. “Ang mabuti pa ay kunin mo na ang mga gamit mo nang makauwi na tayo.”

Tumalima naman ito sa kanya. Kanina pa sila nakapagsara ng store na tatlong taon na nilang mina-manage ni Ria. Sosyo sila naturang negosyo at mga RTW ang binibenta nila. RiaLeya ang pangalan ng store na nakapwesto sa isang malaking commercial center sa pusod ng Sta. Rosa City.

Iyon ang isa sa nakaabalahan niya at naging source of income niya nang umalis siya ng Palawan. Ipinundar niya sa negosyo ang napagbentahan ng ipinamanan