Moving on

"Nandito na po ako!" masayang bati ni Celina pakauwi.

Napansin niyang medyo abala ang mga tao ngayon, kaya dali-dali na siyang nagtungo sa kwarto para magbihis at tumulong.

"Ninang, tulungan ko na po kayo diyan!" saad niya dito habang inaabot ang tray na hawak nito na mayroong naka handang pagkain.

"Naku Lina, kadadating mo lang! Kaya ko na ito," pagsuway sa kanya nito.

"Nakapahinga na po ako!" sagot niya dito sabay maingat na kinuha ang tray sa ninang niya.

"Hala siya! Hintayin mo na ako," saad nito habang kinukuha ang isa pang tray na mayroon naman nakahandang juice.

Maingat na nakasunod si Celina sa ninang niya, nanatili lang sa likod nito hanggang sa makadating sa hapag kainan.

Mula doon ay rinig niya ang masayang tawanan ng mag anak at base sa mga boses na nandoon mukhang may mga kasama ang mga ito.

Doon niya lang napagtanto ang dahilan ng pagiging abala ng lahat, pero kahit na ganoon ay medyo natutuwa pa din siya dahil madalang ang ganoon tagpo sa mansyon kung saan masaya ang mg