Married

Malalim na ang gabi tuloy tuloy pa din ang kasiyahan. Marami silang empleyado na nakisaya narin sa ginanap na kasal. Nauna nang inuwi ni Yana si Miggy dhail nakatulog na ang munting paslit. Bago pa man, ay nagpaalam narin ang bagong kasal sa mga bisita pagkatapos ng mensahe nila sa bawat isa, sa kani kanilang mga mahal sa buhat at pasasalamat sa mga dumalo . Sa pamamahay muna sila ng mga Villamayor matutulog ngayong gabi ngunit kinabukasan ay maaga silang babyahe para sa kanilang honeymoon.

Kakapasok lang ng bagong kasal sa silid ni Marie nang maulinigan ang mga mumunting mga katok. Suot pa ni Marie ang kanyang gown nang buksan ang dahon ng kanyang pinto. "Pasensya na po.. nagising kasi bigla si Miggy nang marinig kanina ang ugong ng sasakyan ninyo bago huminto. Nagsasambit ng mama,papa umiiyak. Hindi ko na maalo." Si Yana habang karga karga ang umiiyak pang munting bata. Halos madurog ang puso ni Marie. Kawawa naman ang munting anghel niya. "akin na, dito na siya sa amin matutulog."