Kabanata 4.1

“Kanina pa kita hinahanap.” Rinig ko mula sa likod ko kaya agad ko itong nilingon at si Sir Kyler ang nakita ko.

“Kayo po pala Sir. Upo po kayo.” Pag-aalok ko sa kaniya. Lumapit naman siya sakin at tumabi.

“Do you need something Sir?” tanong ko sa kaniya ng makaupo na siya.

“It’s nothing.” Tiningnan ko si Sir at halata sa mga mata nito ang puyat. Maaga nga pala kaming umalis ng Manila at wala pa rin siyang tulog.

“Magpahinga po muna kayo Sir.” Sabi ko sa kaniya na siyang ikinalingon niya sakin.

“Mainit sa loob.” Mabilis niyang sagot.

“You can rest here.” Saka ko itinuro ang mahabang kawayan na inuupuan namin. Kung  hihiga siya kasiya naman siya. Tiningnan niya ako ng may kunot ang noo at pag-aalinlangan. Napaikot naman mga mata ko dahil dun.

“Don’t worry wala akong gagawin sayo. Asa ka naman.” Sabi ko sa kaniya kung ayaw niya edi wag. Hindi naman ako makakaramdam ng pagod eh. Hindi ko na lang siya pinansin at itinuon ang atensyon sa harapan namin. Nagulat na lang ako ng may biglang humiga sa binti ko. Tinaasan ko naman ito ng kilay.

“Wake me up later. 3 o’clock sharp.” Ani nito ng nakapikit na ang mga mata. Hindi na lang ako nagsalita at hinayaan siyang humiga sa binti ko ng makapagpahinga naman. Ang amo ng mukha pagtulog pero pag nagmulat na dinaig pa ang musang, tigre at leon sa sobrang tapang at sungit ng mga tingin niya. Ang gwapo mo sana Sir kaso ang pangit ng ugali mo ayaw ko sa mga lalaki ang hindi marunong gumalang. Iniiwas ko na lang ang paningin ko sa kaniya at pinagmasdan pa ang tanawin sa harapan ko.

Lumipas ang ilang minuto at hindi ko na namalayan na nakatulog na pala ako.

Nagising na lang ako ng wala na si Sir Kyler sa tabi ko. Mabilis akong bumangon sa kinahihigaan ko, teka kinahihigaan? Eh hindi naman ako nakahiga kanina ah. Pumasok na ako sa loob dahil baka nandun siya.

“Oh iha gising ka na pala.” Ng makita ako ni Manang Leth.

“Si Sir Kyler po kaya?” tanong ko sa kaniya ng parang wala sa loob si Sir.

“Ah nagpunta silang bayan ni Vic para makipagmeet dun sa may ari ng lupang bibilhin niya ata.” Napapikit at nakagat ko na lamang ang labi ko ng hindi ko nasunod ang utos niya. Bakit ba kasi ako nakatulog eh.

“Siya nga pala iha hindi ka niya na raw ginising kasi wala naman daw siyang balak na isama ka.” Eh hindi naman kasi ako yung nagpapagising eh kundi siya.

“Hindi po ba siya galit?” nahihiya kong tanong kay Manang Leth. Ngumiti naman ito sakin.

“Hindi iha ang sabi niya huwag ka na lang abalahin sa pagtulog mo at hayaan kang magising. Pinalagyan niya na lang ng isa pang malawak at malaking upuan ang hinihigaan mo at baka raw malaglag ka.” Nakangiti niyang sabi. Napakamot na lang ako sa batok ko dahil sa kahihiyan na nararamdaman. Yari ako nito kay Sir pero infairness ah may mabuting kalooban din pala si Sir. Ang thoughtful naman nun.

Pagsapit ng alas singko inaya na ako ni Jake na pumunta ng halamanan nila para mag-ani.

“Iha isuot mo ito baka katihin ka dun. Baka may mga basil dun mahirap na.”

Iniabot sakin ni Manang Leth ang isang pants at jacket. Isinuot ko na lang ito dahil baka nga katihin ako.

Paalis na kami ni Jake ng biglang may nagsalita sa likod namin.

“San kayo pupunta?” nilingon ko si Sir Kyler dahil boses pa lang naman niya kilala ko na.

“Mag-aani lang po ng gulay Sir.” Sagot ko sa kaniya.

“Sasama ako.” Napakunot naman ang noo ko dahil sa sinabi niya na mabilis kong tinanggihan.

“Naku huwag na po Sir baka mabasil o katihin ka dun mahirap na po.” Sagot ko dito pero nagpumilit pa rin siyang sumama.

“Isuot mo na lang ito iho kung sasama ka.” Inabutan ni Manang Leth si Sir Kyler ng pants at jacket din.

Pagkabihis niya lumakad na kaming tatlo papuntang bukid.

“Sir pasensya na po kung hindi ko kayo nagising kanina nakatulog po kasi ako.”nakayuko kong sabi habang naglalakad kami. Napahinto na lang ako ng mabangga ko ang likod ni Sir na huminto pala sa paglalakad.

“Don’t worry nagising naman ako bago mag-3.” Napahawak na lang ako sa batok ko dahil hindi ko naman alam ang sasabihin ko.

“Ganda bilisan mo dito tayo.” Sigaw ni Jake. Nilampasan ko na si Sir Kyler dahil feeling ko nasasakal ako sa presensya niya at hindi ako makahinga ng maayos. Nakarating kami sa gulayan nila Jake at kahit na may kaliitan lang ang lupa nila marami naman itong tanim na gulay.

“Ano palang aanihin natin ngayon?” tanong ko sa kaniya habang nakasunod ako sa kaniya at si Sir nasa likod namin.

“Siguro anihin na lang natin yung gulay na pwedeng ihalok sa pakbet.” Ani nito at nagsimula ng mag-ani ng talong.

“Ganda ano palang mas gusto mong bulaklak yung plastic o sariwa?” biglang tanong sakin ni Jake.

“Yung sariwa.” Sagot ko ng nakatalikod dahil namimitas na ako ng sitaw.

“Ganda.” Nilingon ko si Jake ng maramdaman kong malapit lang siya sakin.

“Flowers for you.” Abot niya sa akin ng bulaklak ng kalabasa at talong. Natawa na lang ako dahil dun kinuha ko na yung bulaklak ng kalabasa at inilagay sa basket kong dala.

“Yari ka sa itay mo sinira mo na yung bulaklak ng talong.” Natatawa kong sabi sa kaniya. Sayang kaya talong pa iyun pag lumaki.

“Ok lang yun. Hindi niya naman malalaman.” Natatawa niya ring sabi.

“Gusto mo isumbong kita?” pananakot ko pero syempre joke lang yun.

“Uiy huwag naman Ganda. Baka batukan ako nun.” Natawa na lang ulit ako dahil sa reaction niya. Napatigil ako sa pagtawa ko ng tawagin ako ni Sir Kyler. Oo nga pala kasama nga pala namin siya nakalimutan ko na.

“Come here.” Ani nito kaya lumapit na ako sa kaniya.

“Bakit po Sir.” Kinuha niya sakin yung hawak hawak kong basket.

“Naku Sir ako na po dito.” Hindi ko binitawan yung basket.

“Yaah, hindi ba parang masyado ng marami yung gulay na nakuha natin. Lima lang naman tayong kakain.” Sabi ni Sir Kyler kay Jake. Lumapit naman samin si Jake at tiningnan ang mga napitas naming gulay.

“Panghapunan lang natin yan paano pa bukas.” Sabi naman ni Jake.

“Mamitas na lang ulit bukas.” Ani naman ni Sir Kyler.

“Ay pwede naman. Sama ka ulit Ganda ah.” Sabi naman sakin ni Jake. Sasagot pa lang sana ako sa kaniya ng unahan ako ni Sir Kyler.

“Sasama siya sakin bukas.”

“Ay sayang naman.” Napahawak na lang sa ulo niya si Jake ng sabihin iyun ni Sir Kyler. Naglakad na kami pabalik ng bahay nila Jake at tutulong sana ako sa pagluluto ng tawagin ako ni Sir Kyler.

“Check mo lahat ng mga papeles na nandito sa mga list kung nadala ba natin lahat. Ito yung mga papeles.” Binigay niya sa akin ang isang expanding envelope at sinimulan ko ng icheck ang mga papeles.

Pagkatapos kong macheck lahat inayos ko na ito at ibinalik sa na sa expanding envelope. Nandito naman lahat eh, kompleto naman. Lumabas na ako ng kwarto at hinanap si Sir Kyler. Nakita ko siyang nakaupo sa isang monoblock sa harap ng bahay.

“Ah Sir nacheck ko na po lahat at ok naman po.” Sabi ko dito at tinanguan niya lang ako. Naghintay pa kami ng ilang minuto at tinawag na kami ni Manang Leth para maghapunan. Kita na rin ang unti unting pag-aagaw ng dilim at liwanag.