Chapter 16

Chapter 16

"Hindi ka na papasok?"

"Oo," nakayuko nitong sagot.

"Kheious, alam mo bang sinasabi mo?"

"Hindi ko gusto iyong kurso ko, Anaia. Pakiramdam ko nagsasayang lang ako ng panahon para sa isang bagay na hindi ko naman nakikita ang sarili ko. Lumalaki na rin ang gastusin natin. Lalo na ngayon na malapit ka ng mag-OJT. Kailangan kong mag-focus sa training at trabaho."

"Pero paano ka?"

"Walang kasiguraduhan ang bagay na pinili ko pero susugal ako dahil pangarap ko ito."

"Sigurado ka na?"

Pinunas niya kaagad ang luhang bumasa sa mukha ko.

"Gusto ko ring makatapos ng kolehiyo at umakyat sa entablado— g-um-raduate kasabay mo. Pero mahirap pagsabayin ang pag-aaral, pagti-training, at pagtatrabaho. Kailangan kong bitawan iyong isa. Minsan tinanong ko iyong sarili ko. Ano ba ang mas matimbang? Iyong pangarap ko o iyong pangarap ng ibang tao? Pwede akong mag-aral kahit kailan ko gustuhin. Pero hindi na ako makakabalik pagiging teens o twenties para tuparin ang pangarap kong iyon."

"Naiinti