Chapter 15

Naabutan niya ang bata at mabilis niya itong niyakap para pigilan ito sa pagtakbo. "Shhh.... Hindi kita sasaktan," bulong niya rito.

Doon lang huminto ang bata sa pag-iyak at nangunot ang noo niya nang mahimatay ito. Bumalik siya sa kotse bitbit ang bata sa mga bisig niya. Patakbong lumapit si Carlos at tumingin sa bata. "Agent J?"

"Look for a vacant hotel room in next town."

Hindi na nagtanong kung bakit si Carlos at agad na ginawa ang inutos niya. Nilapag niya sa passenger seat ang bata saka sinukbitan ng seatbelt bago siya umikot at lumulan ng kotse. Pinatakbo niya ito palayo at naiwan na naman si Carlos sa kalsada.

"Walang puso," bulong nito bago lumulan ng sasakyan at pinatakbo iyon pasunod kay Agent J.

Hindi nagtagal ay narating nila ang sunod na bayan. Dinala ni Jenica ang batang paslit sa hotel at ingat na pinaligoan at binihisan. Nahigit niya ang hininga nang makita ang malinis nitong itsura.

"Hmm... mukhang anak-may