2

                 

                                    H E A V E N

Days passed quickly, and it’s my first day of school. My parents and kuya of course asked me kung saan ko gusto mag aral, UST, UP, PUP, FEU, UE, and more, pero galing na ko sa private schools and more, I mean, ayoko muna sa manila ngayon.

I heard may magandang school sa Bulacan, and here I am, at Bulacan State University, some students call it BulSU, naninibago ako, mula sa hallway, classrooms, cafeteria.

I have to adjust kung gusto ko mag study dito, kumuha din ako ng apartment nearby, hindi naman mahirap makahanap since maraming dorms and apartments, mukhang may mga students talaga na malalayo, so they chose to stay here.

“Good morning freshies, may we invite you all to gather to our Activity center for the orientation. Thank you.”

As soon as I heard that, I walked lazily, out to the room. I’m hungry na, it’s 7 o’clock, kaya siguro wala pa rin open na store or canteen, halos sampung minuto rin ako naglakad hanggang sa makarating sa AC, marami na rin students na nauna, at maingay na rin, mukhang may mga friends na sila dito, namiss ko tuloy bigla friends ko sa Manila.

“Good morning freshies! Kindly get the pamplet near your seat and read it briefly. It contains the vision, mission, our president, vice president, other board members, college deans, and different parts of the University, may it be your guide, inside.”

Habang sinasabi yon ng speaker, binabasa ko na ang laman ng pamplet, marami rami din ang buildings, may maliit na map din sa likod na may label.

Nawalan na rin ako ng gana makinig, siguro dahil inaantok pa ko, pero naririnig ko kung saan kami pwede bumili ng uniform, and P.E uniform also, nilibot ko na lang ang tingin ko para mag enjoy na rin habang nagpapatay oras, ang tagal naman ng ganito.

Kusang tumigil ang mata ko sa matangkad na lalaki na nakatayo sa di kalayuan. Nakatingin lang sya sa harap, seryoso, naka civilian din sya like us.

Dito rin ba sya nag aaral? Kahit hindi ko aminin, pansinin sya sa pwesto nya, marami rin nakatingin sa side nya, pero sya parang wala naman pakielam, nakatingin lang sya sa stage habang nakapamulsa, hindi ko alam kung nakikinig ba sya or what.

Oh, well. Small world, taga Bulacan din pala sya.

“Last class for today ba ko?” Bungad ng professor namin pag pasok nya. A mid-20’s na lalaki ang pumasok sa classroom, parang kasing age lang sya ni Kuya, at kasing tangkad din nya, medyo soft lang ang features ng mukha nya compare to kuya, na serious all the time, bagay talaga maging lawyer, para manununtok yon.

“Yes sir.” Sagot ng katabi ko. May tinatanong nga pala sya samin. Hehe nawala ako saglit.

“Okay. I won’t give you a lesson for your first day, awkward yon no?” Sabi nya na para talaga sya nag aalangan kung bibigyan kami o hindi. The whole class laughed on what he said, I chuckled with that. “Okay, anyway, assignment na lang, tutal next monday na ulit tayo magkikita kita, make an essay or poem about you, and how do you see yourself 10 years from now.” Napaisip ako agad.

Ganito pala sa College? Essay ang first day? Well, depende siguro, kanina kasi puro introductions sa mga subjects and scope. “Hand written yan ha, wag tamad.” Sabi nya pa samin, kaya tinignan ko sya. Hindi sya mukhang matagal na nag tuturo, pero mukhang sanay na sanay sya sa harap ng mag estudyante.

With that he dismissed us. Gusto ko pa sana tumambay pero wala akong masyado alam sa lugar na to. Lumabas na ko at tinignan kung ano ang pwede ko kainin, I’m a bit hungry na, gusto ko sana lumabas, may restau ba dito? Hays. I fished my phonw from my pocket then search for some nearby restau.

“Hoy!”

“Holy fuck!” Napahawak ako sa dibdib ko dahil sa sobrang gulat. Sino ba ang hindi? May bigla na lang sumigaw malapit sa tenga ko, tatalikod na sana ko para makita kung sini ang epal na yon, pero nasa harap ko na sya, nakangisi at naka pamulsa.

“Musta? Dito ka pala mag aaral? Grabe, small world boy,” He gave me a boyish grin and wink, kunot noo ko syang tinignan, inaalala kung saan ko sya nakita.

Saan ko ba sya nakita?

Oh!

“You’re the guy earlier? Sa AC?” Hindi ako ganon ka sure, hindi ako magaling sa pag alala ng mukha, weakness ko yon.

“Oo, ako din yung sa Book store, naalala mo na?” He dramatically placed his hand on his chest, acting like he was hurt, that I did not recognized him. “Grabe ka naman, sa pogi ko na to? Nakalimutan mo ko? Syado ka naman pre.” Mas lalo kumunot ang noo ko, this guy is weird. Anong problema nya? Are we that close?

“Grayson Levi Cohen, Gray na lang para maigsi, haba ng ipinangalan sakin ng nanay ko eh.” Mukhang bad trip sya, kaya natawa na lang ako, he’s cute while crunching her nose. “Ano? Papaitim ba tayo dito? Wala ka ba payong? Mukhang di ka sanay sa init eh.” Umiling na lang ako at naglakad ulit.

Pero tumigil ako sandali nang may maalala ko. “I don’t know where to go now. Hindi ko kabisado.”

I feel insulted nang tumawa sya pagkatapos ko sabihin yon, napasimangot ako at nag martya palayo sa kanya. Freak.

“Hoy, saglit naman.” He said, still laughing. “Hindi ko sadya tumawa, miss huy!” Napatigil ako sa paglalakad ng hawakan nya ko, tinignan ko lang yon, ganon din ang ginawa nya. Bumitaw sya bigla nang marealized nya ang ginawa sakin. “Eh sorry na, ano kasi, di ko naman sadya, ano lang kasi.”

Tinaasan ko sya ng kilay, dahil ayaw nya pa sabihin ano problema nya.

“Ano, ang cute mo kasi.” Sabi nya at yumuko. “Nampucha bakla amp.”

Hindi ko na napigilan ang tawa ko, napailing na lang ako at sinundot sya, halos mapatalon naman sya sa gulat.

“Come on, I’m starving right now, saan pwede kumain?” Nagliwanag ang mukha nya dahil sa sinabi ko.

Pero ilang segundo lang ay tumayo sya ng ayos at niyakap ang sarili nya na parang natakot, at hindi bagay sa kanya.

“Teka, hindi ko pa nga alam pangalan mo, tapos inaaya mo na ko agad makipag date? Wag ganyan, strict ang parents ko, no girlfriend until 95.”

Malalim na buntong hininga ang pinakawalan ko bago sya taasan ng kilay. “Stupid, I’m Heaven Callista, you dope, it’s not a date, just tell me where is it, at ako na ang bahala kumain mag isa.” Sabi ko at naglakad na, kung saan ako nanggaling kanina.

Naramdaman ko naman ang pagsunod nya, ganito ba talaga ang mga lalaki sa school na to? Madaldal? Sa school ko kasi dati kadalasan, mayayabang, well hindi naman lahat, meron lang talaga iba.

“Ano ba gusto mo kainin? Marami kasi dito. Gusto mo ba ng kanin? Pasta? Pizza?” Sunod sunod na tanong nya. Hindi ko rin alam kung ano gusto ko. Siguro pas-“Ay alam ko na! Tara punta tayo sa kfc!”

Oh, sa fast food na lang kami? Okay.

“What the heck? Ano to? Akala ko sa kfc tayo?” I’m confused right now, hindi to mukhang kfc. There’s no logo of kfc, no red bleachers and tables, there’s a lot of students, and may different stores? I don’t if that’s what they were called.

“Oo nga, kfc. Kapitolyo food court. Dito kumakain mga estudyante ng BSU, alam mo ba? Yung kanin at ulam dito? 35 lang may libre pa soup at sawsawan.” He proudly said.

What? 35 pesos? Is this even clean? You can eat with that cheap amount?

“Ano ba gusto mo? Para makakain na tayo, mauubusan tayo ng ulam nyan. Hanggang ala una lang talag sila, peeo dahil first week ng school, baka hanggang mamaya pa sila dito.”

I roam my eyes around, hindi lang siguro ako sanay, kumakain kaya si kuya sa ganito? I don’t know, my goodness.

“Uh, beef broccoli and half rice na lang siguro ako.” Ilang na sabi ko, dahil hindi ko alam kung tama ang sinabi ko.

Umiling sya at lumapit sa nagtitinda na babae. Medyo old na sya.

“Uy, Ate Josy! Musta na?” He greeted the old lady, wait kilala nya? So he’s a regular here?

“Hoy Gray! Ikaw pala! Bata talaga na to, unang araw ng klase nyo diba?”

Nakipag kwentuhan pa sya sandali, hindi ko alam kung ano dahil hindi ako nakakarelate sa kanila, hindi naman ako nag iinarte, my Mom was also from this kind of School, hindi ako nag iinarte, sadyang hindi ko lang talaga alam.

“Sino naman yang kasama mo? Ganda ah, girlfriend mo ba? Bagay kayo ah, dalin mo ulit dito.” Tatanggi na sana ko pero ang lakas ng tawa ni kupal. Para syang may narinig na joke.

“Nako nang Josy, strict ang parents ko, pero sige papaligaw na ko sa kanya, maganda naman eh.” Hinampas ko sya kaya lalo syang tumawa at nag peace sign lang sakin.

Nang makuha nya ang tray na may laman na food namin naghanap na kami ng mauupuan, sakto naman na may aalis, kaya umupo agad kami.

“Kain ka na, mukhang mangangagat ka na dyan eh.” Sabi nya habang inaayos ang pagkain ko.

I was so hesitant to use the spoon and fork, diba nagamit na to ng iba? Bakit ipapagamit pa nya sakin?

Mukhang napansin nya na hindi ako kumakain. “Wag ka mag alala, pinahugasan ko sa mainit na tubig, yan, kumain ka na, lalamig yan.”

I was convinced kaya kumain na rin ako. Okay naman ang food, masarap naman. Medyo kalasa ng luto ni Mommy.

Wala pa kalahati nakakain ko, tapos na agad ang kasama ko, after nya don niligpit nya yon at tumayo na. Teka, iiwan na ba nya ko? Dito nya ko dinala tapos iiwan nya ko?

Well, hindi naman talaga kami close kaya bakit nya ko hihintayin matapos? Nagkataon lang na sabay kami.

“Wag mo masyado bilisan, nguyain mo, baka mabulunan ka dyan.” Gulat akong napatingin sa kanya, may hawak sya na bottle ng soda. Inabot ko yon at uminom.

“I thought you’re leaving?” Tapos na sya diba?

“Hala? Pinapalayas mo na ko? Sige huwag mo ko alalahanin okay lang ako kahit masakit.” Muntik na ko mabulunan dahil sa sinabi nya pinagpatuloy ko na lang ang pagkain ko, nag phone na lang sya, para siguro hindi sya mainip.

“Hoy pre, Si Grayson may kasama! Jowa mo?” Nag angat ako ng tingin dahil sa familiar name na narinig ko.

I saw four guys sa harap namin, halos mabilaukan ako ng makilala ko kung sino yung isa sa kanila. Nakangisi sya sakin. Shit

“Gago! Kumakain pa sya, wag kayo magulo pwede ba?” Sagot ni Gray pero tumatawa din.

“Makikipag date ka na lang sa mura pa! Ano ba yan! Dalin mo manlang kahit sa kfc.” Sabi nung isang lalaki.

Hindi sila mukhang student. Mukha silang nag momodel ng mga tee and pants, bagay sa kanila naman. Napansin ko na nakatingin na rin ang ibang students sa pwesto namin.

“Tanga nasa kfc kami ngayon.” Gray backfire.

“Tanga ka rin, don sa tabi ng GL, bobo ka pre. ML ba mamaya?”

Kumain na lang ako dahil na oout of place ako sa sinasabi nila. Patapos na ko nang umalis sila.

“Pasensya ka na, mga bugok talaga yon, pero mababait yon, kasama ko sa dating school ko sa manila.”

Tumango lang ako hindi ko naman din alam, naiilang ako ng konti pag may ibang tao.

“Hayaan mo next time, wala nang aabala satin.”

Tango lang ulit ang isinagot ko. Inayis nya agad ang pinagkainan ko at dinala nya sa pinagbilan namin.

Pero wait, ano daw, next time?

So my next time pa?