Chapter 6 Playful

Pagkapasok na pagkapasok namin sa break room ay sapilitan akong pinaupo ng dalawa sa upuan na nilagay ni Zack sa harap.

"Aray ah! Hindi naman halata na talagang interesado kayo sa kwento ko ano?" sarkastik kong tanong sa kanila.

"Si Sir Kendrix 'yan eh!" sagot ni Zack.

"Kwento mo na! Tagal e," pagmamaktol ni Diana.

"Ito na nga..." Napansin ko kaagad ang pagkainteresado nila lalo sa sasabihin ko. "Hindi naman maganda 'yong unang pagkikita namin."

"Bakit?" singit na tanong ni Ashley.

Sinamaan ko siya ng tingin. "Pwedeng wait lang? Nag-uumpisa palang e nagmamadali."

Tinakpan ni Diana ang bibig nito. "Maghintay ka kasi!"

Mabilis namang tinanggal ni Ash ang kamay ni Diana na nakatakip sa bibig nito. "Okay fine, sorry! Excited na ako e."

"Continue," sabi ni Sean.

"Iyon nga, hindi maganda iyong unang pagkikita dahil nga kinuha ko ang blueberry cheesecake niya," natatawa kong sabi. Magsasalita pa sana si Diana nang bumawing tinakpan din ni Ashley ang bibig nito. Halata sa kanila ang pagkagulat. "Akala ko kasi sa akin iyon kaya kinuha ko na inaakala ko pa ay baka may nagloko sa inyo at inakyat iyon. Akala ko talaga sa akin dahil nga akala ko same sila ng hati pero nong tiningnan ko iyong picture at sa kan'ya, magkaiba nga! Tapos iyon nagalit siya sa akin tapos kung ano ano na sinasabi niya."

"Omg ka, Stella! Dati ka bang t*nga?" kunot noong tanong ni Ashley. "Bakit hindi mo muna chineck dito?"

"Iyon nga pagkakamali ko, masyado akong nag-isip na sa akin nga iyon kaya nga sobra talaga akong nahihiya kanina."

"Totoo ba iyong sinasabi nila na grabe siyang magalit?" tanong ni Sean.

"Oo pero kasi ako feeling ko hindi pa iyon yong galit niya pero ramdam ko yong inis at galit niya sa akin. Parang binabalatan nga ako ng buhay sa tingin niya sa akin e. Nakakatakot talaga pero mas nakakatakot pa siguro kapag nilabas na niya 'yong talagang galit niya pero sana hindi ko maranasan iyon," kalmado kong sagot.

"Mabuti nga at hindi ka binigyan ng parusa," sabi ni Zack.

"He was about to! pero dahil siguro medyo mababaw naman iyong rason pinagbigyan niya ako kaya naman ang swerte ko kanina pero once ma ginawa ko pa rin iyon ay talagang bibigyan niya ako ng parusa."

"Ano kayang parusa?" tanong ni Ashley habang nakatingin sa kisame na parang nag-iisip pa. "Naku! Kung parusa lang iyan na katulad sa novel na binabasa ko, ay pak! Gusto ko! Gusto ko!" Bigla itong tumawa ng malakas.

Napatingin kaming lahat kay Ashley. Alam namin ang ibigsabihin nito dahil mahilig din siya magbasa ng mga novels na may mga kaganapan na SPG. Bigla itong binato ni Zack ng throw pillow na puti dito sa may breaktime room. Agad naman nasalo iyon ni Ashley at mabilis din binato kay Zack at nasalo rin niya kaagad.

"Basta talaga pogi go na go ka ano?" pang-aasar ni Zack na may halong inis.

"Bakit ba?"

"Anong bakit ba? Paano kung pogi naman talaga pero masama pala ugali? Paano kung gagamitin ka lang pala sa panandalian na saya, gusto mo? Gusto mo?"

"Kung si Kendrix naman, bakit hindi?" nakangiting sagot ni Ashley.

Napatingin kami bigla kay Zack nang bigla itong tumayo at hawak ang throw pillow. Nagtataka siyang tiningnan ni Ashley.

"What? Anong gagawin mo?" Halata sa mukha nito ang takot kaya hindi ko maiwasan na hindi matawa.

Pagdating ni Zack kay Ashley ay mabilis niyang tinakpan ang bibig nito at pinalo ng mahina ang throw pillow sa ulo niya.

"Kuha nga kayo ng tape! I-tape ko lang itong bibig ng kaibigan niyo ang bastos ng mga sinasabi e," sabi naman ni Zack habang patingin tingin sa amin ni Diana.

Natawa na lamang kaming lahat. Si Ashley naman ay todo palag.

Tumayo naman si Sean sabay pamulsa niya. "Stop that now, Zack. Masyado mo naman pinapahalata na may gusto ka kay Ashley," wika nito nang mahawakan na niya si Zack sa balikat habang nakangiti ng kaonti.

"What?!" Mabilis siyang tiningnan ni Zack at halata sa mukha nito ang pagkagulat.

"May gusto ka pala sa akin ah," pang-aasar ni Ashley sa kan'ya.

Sarkastikong tumawa si Zack. "In your dreams! Never!"

Nagkibitbalikat naman si Ashley. Biglang namula si Zack at lumayo na siya kay Ashley sa pamamagitan ng paghila sa kan'ya ni Sean. Hindi na tuloy tumigil ang pang-aasar sa kan'ya habang kami ay tawang-tawa siya naman ay namumula.

"Teka nga! Hindi ba ang usapan ay tungkol kay Sir Kendrix bakit napunta sa akin?"

"Nagselos ka kasi eh," pang-aasar ko.

Binigyan niya ako ng nagtatakang tingin. "Ako? Magseselos? Hell no!"

"Sus!" sambit naman ni Diana.

"Oh tama na, tigilan na natin siya baka mamaya eh umiyak pa 'yan," natatawang sabi ni Ashley.

Binigyan naman siya ng masamang tingin ni Zack.

"So, ayon nga... pogi talaga niya ano?" kinikilig na sabi ni Ash.

"Oo, super pogi talaga as in! Totoo talaga ang mga chismis! Kahit sino ay mapapatulala sa kan'ya. Okay na nga sana eh kaso pangit ng ugali, ayaw ko na makita iyon."

"May possibility na hindi mo talaga siya makikita kasi hindi naman talaga siya malapit sa mga tao kaya okay lang 'yan," natatawang sambit ni Diana. "Pero at least nakita mo na siya at nakausap hindi ba?"

"Oo, pero ang pangit talaga ng first encounter namin sa isa't isa." Napaikot na lamang ako ng mata. "Nga pala, let's have a plan tomorrow about sa event na gaganapin dito sa hotel like last year. Ako ulit sinabihan ng CEO na mag-aasikaso at pati kayong mga kasama kong nag-ayos din noon."

"Eh paano ang work natin bukas?" nagtatakang tanong ni Sean.

"Parang tulad din siguro dati. Baka aatasan ulit sila Steph na sila muna sa duty time natin," sagot ko.

"Nice!" masiglang sigaw ni Zack.

"Masaya ka doon?" tanong ni Ashley.

"Bakit hindi? Medyo makakapag-relax ng kaonti," sagot nito.

"Asa!" sambit ni Diana sabay bato rin ng throw pillow sa kan'ya.

"Aray ah!" daing nito nang matamaan siya sa mukha.

"Tara na tara na! Uwi na," yayang sabi ni Sean.

"Teka hindi pa ako nakakabawi eh," malungkot njyang wika.

"Babawi ka? Eh mga babae 'yan."

"Ibang bawi naman ah."

"Anong bawi?" tanong ni Diana.

"Kiss." Bigla itong tumawa ng malakas.

Mabilis na tinakpan ni Sean ang bibig nito na kinagulat niya sa lakas ba naman at biglaang takip. "Hilig mo sa kiss!"

"Ang harot mo!" sigaw ni Ashley.

Mabilis na tinanggal ni Zack ang kamay ni Sean sa bibig niya at hindi naman siya nabigo. "Bakit? Selos ka ba?" pang-aasar niyang tanong kay Ash.

"Assuming ka! Tara na nga at umuwi na," yaya nito sabay kuha niya ng bag.

"Selosa ka pala," pang-aasar pa niya.

Binigyan siya ng hindi makapaniwalang tingin ni Ashley habang dinadaan niya ito. Hindi naman ako mapagpigil na hindi matawa dahil sa kakulitan nila. Mabuti na lamang ay walang pikon dito kaya ang saya lang din makisama sa mga ganitong mga tao kaya nakaka-enjoy din talagang magtrabaho.

Sunod sunod na nga kaming lumabas ng hotel. Pumunta na kami sa may parking lot. Nauna nang umalis si Sean at Zack sakay ng sari-sariling kotse. Ako naman na hindi nagdala ng kotse dahil wala lang, gusto ko lang talaga makisakay kay Ashley ngayon kaya naman ay ihahatid niya ako sa bahay tonight.

"Nga pala may surprise kami sa'yo ni Ashley," sambit ni Diana habang nakangiti.

"Hmm? Ano iyon?" Nagtataka ko silang tiningnan.

"Tada!" sabay nilang sabi sa masiglang tono.

Inabot nila sa akin ang red na paper bag na katamtaman ang laki. Dahan-dahan ko itong kinuha habang nagtataka dahil wala akong ideya kung ano ang laman nito.

"Ano ba ito? Pagkain?" Bigla akong ngumiti.

"Hindi!" madiin na sagot ni Diana.

"Eh ano?"

"Open it para malaman mo," sagot ni Ashley.

Dahan-dahan kong binuksan ang paper na hawak ko ngayon at may nakita akong red din na hindi ko alam dahil parang manipis lang ito kaya naman kinuha ko iyon at nilabas. Habang nilalabas ko ito ay ganado pa ako pero nang ma-realized ko kung ano ito, bigla nanlaki ang mga bata ko habang nilalabas pa rin at nang talagang nakasiguro na ako na isa siyang lingerie, mabilis kong binalik iyon sa paper bag.

"Ano 'yon?! Bakit may gano'n?" naguguluhan kong tanong sa kanila na abot tenga ang mga ngiti.

"Ang ganda 'di ba? Ang perfect kaya!" nakangiting sabi ni Ashley.

"Bagay na bagay sa'yo 'yan, friend!" masiglang sabi ni Diana.

"Dati ba kayong baliw?" kunot noo kong tanong sa kanila.

"Hello? Magagamit mo kaya iyan kay Xander! I think kailangan lang talaga ng maanghang na gabi para bumalik ang dating tamis," nakangiting sabi ni Ashley sabay tawa at taas-baba ng dalawang kilay.

"Mga loko!" sambit ko sabay abot sa kanila ng paper bag na hawak ko pero hindi nila iyon kinuha at binigyan lang nila ako ng nakakaasar na ngiti. "Kunin niyo! Kayo na lang gumamit."

"We already have those! It's your turn to have one too," natatawang sabi ni Diana.

Binigyan ko sila ng hindi makapaniwalang tingin habang nakataas ang itaas na labi ko. "My goodness!"

"Hindi mo ba nagustuhan? Nag-effort pa kami ni Diana diyan para makahanap kami niyan at para maibigay sa'yo! Tinutulungan ka lang namin ano!"

"Ayoko ng gan'yan na tulong kaya no thanks." Ngumiti ako ng nakakaasar.

"Kunin mo!" Nanlalaki ang mga mata ni Diana habang nakatingin sa akin.

"Ayoko!"

"Bahala ka diyan! Alis na ako," sabi nito sabay takbo paalis.

"Bye!" sigaw ni Ashley. Tumingin siya sa akin. "Oh ano? Itago mo na!"

"Ayoko nga!"

"Bahala ka diyan! Hintayin mo ako dito iikot lang ako," sabi nito.

"Bakit hindi mo pa ako isama?" tanong ko rito.

"Hindi ba sabi mo pupunta ka pa ng restroom?"

"Ah oo pala, nakalimutan ko na dahil sa surprise na sinasabi ninyo," wika ko habang naniningkit ang mata kong nakatingin sa kan'ya.

Nang mapansin niya iyon ay mabilis siyang sumakay sa kotse niya. "Wait for me!"

Mabilis niyang pinatakbo ang kotse niya kaya naiwan na lang ako rito. Napatingin naman ako sa hwak kong paper bag at napailing na lamang ako at nagsimula nang humakbang para pumunta na sa restroom sa loob ng hotel.