Chapter 3

Aiden's Point of View

"So, what are the rules you want to put in the contract, hmm?" He parted the hair that blocked my eyes while still smiling.

I averted my eyes. Why does our position seem to be like a couple?

Lumayo ako sa kaniya ng unti bago magsalita, "Hmm... Teka, hanggang kailan ba ako magpapanggap na girlfriend mo?"

Tumingin sa ceiling si Wyatt na tila nag-iisip, "Hindi ko pa sure. Hindi ko naman kasi alam kung hanggang kailan ka papupuntahin ni grandpa sa bahay."

"Hindi ba talaga ako mahahalata?" Tanong ko, "Kilalang-kilala na nila ang mukha ko kaya imposible na hindi nila ako makilala."

Ngumiti siya, "Easy ka lang, dapat think positive lagi."

"Kinakabahan pa rin ako," sabi ko at tumingala.

Matagal na kaming magkaibigan ni Wyatt, at kilala na rin ako ng pamilya niya simula pa noong bata pa kami. Malabo na hindi nila mahalata o mapansin na ako ang girlfriend niya kapag tumagal ang pagpapanggap namin. Kaya dapat mga tatlo o dalawang beses na pagkikita ay ayos na. Dahil kung isang buwan naku! Wala na mabibisto talaga kami no'n.

"Aiden, isang rule lang ang gusto kong ilagay sa kontrata," sabi niya na nagpalingon sa'kin sa kaniya.

"Ano naman?" Tanong ko.

'Yung kiss kaya 'yon na sinabi ko? Sabagay pareho naman kaming lalaki kaya malabo rin na mangyari 'yon. Kung holding hands naman, hmm... tiyak na magagawa namin 'yun sa harap ng family niya kasi magpapanggap nga akong girlfriend niya 'di ba? Ano naman kaya ang naisip ng lalaking 'to?

Tumawa muna siya ng malakas bago sumagot, "Bawal ka ma-inlove sa'kin." Sagot niya saka tumawa ulit ng malakas.

What the heck?

Dahil sa inis sa lakas ng tawa niya ay sinipa ko siya, dahilan para mahulog siya sa kama.

Napahawak siya sa likod niya habang ang mukha niya ay namimilipit sa sakit, "Ouch! Damn, ang sakit! Bakit mo naman ako hinulog?"

Binato ko siya ng unan bago sumagot, "Ang lakas kasi ng tawa mo naiirita ako."

"Parang 'yun lang?" Pumikit ito dahil sa sakit at dahan-dahan na tumayo.

"Magluluto na ako, anong gusto mong kainin?" Tumayo na rin ako at hindi na pinansin ang pagmamaktol ni Wyatt.

"Ikaw," sagot niya.

Agad ko siyang nilingon at sinamaan ng tingin, "Cannibal ka ba?"

Tumawa siya ng malakas saka lumapit sa'kin, "Ang sarap mo talagang asarin, Aiden." Niyakap niya ako, "Para kang babae "

Nagulat ako sa sinabi niyang, "para kang babae" kaya bigla ko na lang na tuhod ang pagkalalaki niya. Dahil sa ginawa ko ay napaluhod siya habang nakahawak sa pagkalalaki niya.

"Ugh, damn! Bakit ang hilig mong manakit?!" D***g niya.

"Kasalanan mo," sabi ko at iniwan na siya ro'n. Dumiretso ako sa kusina at naghanda na ng mga iluluto.

Alam naman niya kung gaano ako ka-sensitive sa salitang 'yon. Ayokong sinasabihan ako ng gano'n, kahit aware naman ako na mukha talaga akong babae.

Dahil sa mukha kong 'to, maraming lalaki ang lumalapit sa'kin at inaasar ako na mukhang babae. Minsan, tinutukso pa nila ako na baka raw ay bading ako. Dahil din sa mukha ko na 'to ay muntik na akong ma-rape ng tito ko. That's why, I hate my face. Ayoko rin sa katawan ko dahil mas lalo akong nagmumukhang babae.

May mga nagkakagusto sa'kin na mga babae pero kapag na-reject ko na sila ay maririnig ko na lang sila na sinasabing, "Baka nga talaga bading siya. Mukhang hindi kasi talaga siya interesado sa mga babae." At meron pang, "Baka si Wyatt talaga na bestfriend niya ang gusto niya, lagi silang magkasama 'di ba?" Tapos ay magtatawanan sila.

Ang totoo niyan hindi talaga ako interesado kahit na kanino. Kung may gusto man ako pakasalan baka ang pag-aaral 'yon. I hate dating. Hindi dahil sa naranasan ko na kung paano ma-heart broken, kun'di dahil sa mga napapanood ko sa movies. Mapanood pa lang na iniwan, niloko, at pinaasa sila ng mga karelasyon nila ay masakit na. Paano pa kaya kung ako na mismo ang nakaranas no'n 'di ba? Kaya hangga't maaari ay ayokong mahulog kahit na kanino.

"Hey!"

I jumped in surprised when Wyatt suddenly appeared at my back. Muntik ko pang mahiwa ang daliri ko dahil sa gulat. Aish, this guy.

"Umalis ka rito magluluto ako," sabi ko.

Niyakap niya ako mula sa likod, "Galit ka? Sorry~ hindi ko sinasadyang sabihin 'yon. Bigla na lang lumabas sa bibig ko."

Nagsalubong ang dalawang kilay ko. So, ano ang gusto niyang sabihin? Na mukha talaga akong babae kaya niya biglang nasabi 'yon?!

Siniko ko ang tagiliran niya dahilan para d*****g siya, "Umalis ka sabi rito, magluluto ako!"

"Ayoko hangga't hindi mo ako pinapatawad," pagpupumilit niya.

Napabuntong hininga na lamang ako. Ang tigas talaga ng ulo ng lalaking 'to, "Oo na! Apology accepted, umalis kana rito at umupo kana lang do'n sa couch."

"Okay~"

Nakahinga lamang ako ng maluwag nang umalis na nga siya at pumunta sa sala para manood ng TV.

°▪︎°▪︎°▪︎°▪︎°

Pagtapos namin kumain ay nanood kami ng mga video sa youtube kung paano mag-makeup. Pagtapos ko sundan kung paano 'yun gawin ay tumingin ako sa salamin.

"What the fuck?" Lang ang naibulalas ng bibig ko habang si Wyatt naman ay tumawa ng napakalakas, hawak pa talaga nito ang tiyan niya. Parang unti na lang ay mamamatay na siya sa katatawa.

Hindi ako mukhang tao. Mukha akong multo!

Sobrang puti ng mukha ko na parang nilubog sa harina. Ang kapal ng kilay ko na parang linta. Sobrang pula ng pisngi ko, para akong sinampal ng benteng beses. At sobrang kapal ng lipstick sa labi ko na akala mo ay kinagat ng tatlong bubuyog.

"A-Ang ganda mo, BWAHAHA..." sabi ni Wyatt habang hindi pa rin tumitigil sa pagtawa.

Anong akala niya sa'kin, tanga? Alam ko namang inaasar niya lang ako. Hmp!

Tumayo ako at pumunta sa lababo para maghilamos. Hindi ko alam kung ilang beses na ba kami sumubok gawin ito pero wala paring pinagbago. Iisa lang ang kinakalabasan, pangit!

Pagtapos ko maghilamos ay umupo ako sa tabi ni Wyatt, "Sa tingin ko hindi natin 'to magagawa. Maghanap kana lang kaya ng totoong babae? Bakit kasi ako pa ang naisip mo?"

Lumingon siya sa'kin, "Sa totoo lang may nagugustuhan akong babae pero tinawag niya akong bata."

Tumawa ako, "Bakit hindi na lang siya ang kunin mo?"

"Sa tingin mo ba papayag 'yon?" Tanong niya sa'kin.

Nagkibit-balikat ako, "Aba, malay ko. Bakit ako ang tinatanong mo?"

"Ikaw ang nag suggest, e!" Sabay tulak niya sa'kin ng mahina.

Sino naman kaya ang nagugustuhan niya?

Nagkibit-balikat na lang ako sa naisip. Wala akong ideya at mukhang wala siyang balak sabihin sa'kin kung sino. Maghihintay na lang ako kung kailan niya gusto sabihin.

"Mamaya na nga tayo maglagay ng makeup, susukatin mo na 'tong mga damit," sabi ko at kumuha ng isang dress sa mga binili namin.

Ngumiti siya, "Sure, sure."

Naghubad ako ng t-shirt at sinuot ang bulaklakin na dress. Sakto lang sa katawan ko, 'yun nga lang halata ang pagiging lalaki ko dahil wala akong dibdib na tulad sa mga babae.

"Wow, flat," asar sa'kin ni Wyatt.

Binato ko sa kaniya ang isang paper bag at hindi siya pinansin. Nagsuot ako ng wig pati na rin ng heels. Muntik pa akong matumba pagkasuot ko no'n. Hindi ba pwedeng magsapatos na lang ako? Bakit kailangan pa mag heels? Tch.

Humarap ako kay Wyatt at pinagkrus ang dalawa kong braso, "How do I look?"

Lumingon siya sa'kin at tinignan ako mula paa hanggang ulo. Nang tumagal ang tingin niya sa mukha ko ay agad siyang namula. Nagtakip siya ng mukha at yumuko. What the-

"Damn it! Bakit ang ganda mo?" Bulong niya pero narinig ko iyon.

Napakagat ako sa'king labi at tila lahat ng dugo sa'king katawan ay umakyat sa mukha ko. Damn, what is he saying? Hindi pa nga ako naglalagay ng makeup saka isa pa, lalaki ako!

Agad akong tumalikod sa kaniya at ilang minuto kami ron naging tahimik hanggang sa tumunog ang cellphone ni Wyatt.

"M-Maliligo lang ako," sabi niya.

Nang lumingon ako sa kaniya ay nakita ko siyang nakatayo na at papunta na sa banyo. Nang tuluyan na siyang makapasok sa loob no'n ay doon lamang ako nakahinga ng maluwag. Pero parang namumula pa rin ang mukha ko. At nang hawakan ko 'yon ay hindi ako nagkamali dahil mainit pa rin ito. Para mas lalong makumpirma ay kinuha ko ang compact mirror na binili namin. Damn it, bakit sobrang pula ng mukha ko? Para akong kamatis! Mabuti na lang at hindi ito nakita ni Wyatt, baka asarin niya lang ako.

○○○

Nililigpit ko na ang mga gamit na nagkalat dahil sa pag-aayos ko kanina ng sarili, nang saktong matapos sa pagligo si Wyatt. Lumingon ako sa kaniya at nakitang dumiretso siya sa kwarto ko.

Pagtapos ko magligpit ay lumabas na rin sa kwarto ko si Wyatt na bihis na bihis. May pupuntahan ba siya? Anyway, hindi ko damit ang suot niya dahil may damit talaga siya rito sa condo dahil madalas siya rito. Parang dito na nga siya nakatira.

Umupo ako sa couch at binuksan ang TV para manood.

"Oh, right! My cousins asked me to go to the bar," Wyatt informed me even though I didn't care.

I raised an eyebrow, "So? Why are you informing me? I don't care at all."

"I'm supposed to bring my girlfriend," he said with a big smile on his face.

What the fuck?!

Nanlaki ang mata ko sa gulat at agad akong napatayo.

Paano nalaman ng mga pinsan niya na may girlfriend siya? Atsaka teka lang! Akala ko ba sa harap lang ng mom, dad at lolo niya kami magpapanggap? Bakit kasali na rin ngayon ang mga pinsan niya? Baka sa susunod niyan ay buong kaanak na niya?

Aish, this jerk!

"Baliw kana ba? Ayoko! Ang usapan natin ay sa pamilya mo lang tayo magpapanggap!" Sigaw ko.

"Pamilya ko rin naman sila, ah," sagot niya.

"No! Ayoko!" Umupo ako ulit at pinagkrus ang dalawa kong braso.

Kung gusto niya ay maghanap na lang siya. Shit, no way in hell na haharap ako sa mga pinsan niya. Kilala rin ako ng mga 'yon! At isa sa mga pinsan niya ay umamin sa'kin na may gusto sa'kin.

"Ey~ come on, man! Ngayong araw lang naman," naglakad palapit sa'kin si Wyatt. Lumuhod siya sa harapan ko at hinawakan ang kamay ko. "Ngayon lang, hmm?"

Umiling ako, "Kapag sinabi kong hindi, hindi. H'wag mo akong pilitin."

"Ahh~ please, Aiden."

I pulled my hand from his grip and crossed my arms again, "I said no, Wyatt. Saka alam mong ayoko na pumupunta sa maraming tao tapos isasama mo ako ro'n?"

"Okay, I'll tell them na sa mall na lang mag-meet. How's that, hmm? Okay na ba? Payag kana?" Tanong niya at ngumiti ng parang bata.

"Aish," napaikot ko na lang ang mata ko at wala ng nagawa kun'di um-oo. "Fine. Isang beses lang at hindi na dapat maulit!"

Tumayo siya na may malapad na ngiti sa labi, "Got it!"

"Wait," sabi ko ng may maisip. "Anong sasabihin ko na pangalan ko?"

Umupo siya sa tabi ko at pinagkrus ang legs niya, "Hmm... Aiden... Oh, what about Aida?" Excited siyang lumingon sa'kin.

I rolled my eyes, "So, lame."

Sumimangot siya, "You choose, then!"

Pfft~

"I don't know, wala akong maisip. H'wag na lang tayo pumunta," sabi ko.

"Let's just go with Aida!" Pilit niya, "Aida, Aira, Ailyn, Airish, just choose!"

I shrugged, "I don't know."

○▪︎○▪︎○▪︎○

Tumuloy kami sa pagpunta. Hindi na sa bar dahil sinabi ni Wyatt sa mga pinsan niya na ayaw niya papuntahin sa bar ang girlfriend. Luckily, pumayag naman ang mga pinsan niya.

Naglagay lang ako ng pulbo sa mukha at ng lipstick. Hindi na kami nag abala pa na maglagay ng makeup dahil baka abutin kami ng madaling araw sa pag-aayos ng paulit-ulit. Nag off-shoulder akong damit na ni-partneran ko ng skirt at rubber shoes. Dahil hindi pa ako sanay mag lakad ng naka-heels ay pinilit ko si Wyatt na magsapatos na lang ako. Bumagay naman siya sa suot ko kaya okay lang tignan. Muntik pa nga namin makalimutan kanina ang wig, mabuti na lang napansin niya bago pa kami makalabas ng condo.

Pumasok na kami sa restaurant at tinanong kami kung may reservation ba raw kami. Sinabi lang ni Wyatt ang pangalan ng pinsan niya at ni-guide na kami papunta ro'n.

Kumaway si Wyatt nang makita na niya ang mga pinsan niya na sina Ryan, Regie, Cynthia, Marcus at Criza. Nang makalapit ay pinaghila ako ng upuan ni Wyatt bago siya umupo. Wow, he sure can act, huh?

Pasimple akong ngumiti nang titigan ako ng mga pinsan ni Wyatt.

Tumawa si Marcus, "Wow, hindi mo nga kasama si Aiden ngayon pero parang kasama mo pa rin siya." Sabi niya kay Wyatt na hindi ko maintindihan.

Tumango naman si Regie habang nakatingin sa'kin, "Kilala mo ang bestfriend niya na si Aiden?" Tanong niya sa'kin.

Tumango naman, "Y-Yeah."

Damn it. Kailangan ko pa talaga paliitin ang boses ko para hindi nila mahalata na lalaki ako. Saka anong meron sa'kin bakit nila tinatanong kung kilala ko ba sarili ko?

Para maibsan ang kaba ay kinuha ko ang baso na nasa gilid at uminom doon.

"Kamukha mo siya," natatawang sabi ni Regie dahilan para maibuga ko ang tubig na iniinom ko.

Are we... caught?