Kabanata 5

Game of Love

Ryuu's POV

Pinagmamasdan ko mula sa labas ng glass wall ang naglalakihang building. Nakasanayan ko nang gawin ito lalo na sa tuwing may malalim akong iniisip.

One message receive.

Napatingin ako sa cellphone ko nang tumunog ito. Kinuha ko sa bulsa ng pantalon at nang tingnan ko si Kim pala ang nag-message sa 'kin.

"Barry paki-check sa email mo nag-send si Mint ng mga photos ng mga models, last na daw 'yan kaya sana may mapili ka na. Maawa ka naman sa 'min pagod na pagod na kami kakautos mo!"

Pagkatapos kong basahin ang message ni Kim, napailing na lang ako at napakamot ng ulo. Kahit kailan talaga si Kim ang daming reklamo sa buhay. Hindi na lang gawin ang trabaho n'ya. Ibinalik ko ang cellphone ko sa bulsa at nagpunta sa table kung saan nakapatong ang laptop para tingnan ang sinend na email ni Mint.

Habang tinitingnan ko isa-isa ang mga pictures ay muli lang akong napapailing, wala kasing pumapasa sa 'kin. Hindi ko mahanap ang perpektong modelo para sa Mall. Ang gusto ko kasi ay isang simpleng babae na may magandang ngiti na hahanap-hanapin at hindi nakakasawa tingnan. Bukod dito ayaw ko ng pustiso ang ngipin dapat maputi at pantay-pantay. Gusto ko rin ay maganda at may maamong mukha.

Sa isiping ito, biglang may imahe sa alaala ko ang lumabas. Hindi ko maintindihan ang sarili ko pero may pangalang nasambit ang bibig ko "Yumi", bulong ng isip ko ngunit kaagad akong umiling para mawala ito sa isip ko.

"Honey..."

Narinig kong boses ng babae na nagpakunot ng noo ko, tuluyan nang nawala ang mga naiisip ko kanina.

"Carla?" nagtatakang tanong ko. Ano na naman ba kasi ang ginagawa ng babaeng 'to dito!

"Honey naman parang ayaw mo naman akong makita..." sabi n'ya sa 'kin na sinasadya pang mag-pout ng lips n'ya at palandiin ang boses. May katotohanan naman ang sinabi n'ya, ayaw ko talaga s'yang makita. Sagabal lang s'ya sa buhay ko pero siyempre hindi ko pwedeng sabihin sa kanya nang harapan, lagot ako kay Daddy.

Siya si Carla ang soon to be wife ko daw. Actually, ayaw na ayaw ko talaga sa kanya. Bukod sa makapal n'yang make-up kulang na lang maging clown. Ayaw ko rin sa babae na unang nagbibigay ng motibo para gustuhin ng lalaki. Ganitong-ganito ang ugali ni Carla, halos lahat ng ayaw ko sa babae sinalo n'ya lahat.

Dahil lang sa utos ni Daddy kaya papakasalan ko si Carla. Sabagay na 'to wala naman akong magiging problema, susundin ko si Daddy papakasalan ko si Carla. Pero ang hindi ko maipapangako ay ang pag-ibig ko, hindi ko 'to maibibigay ng buo kay Carla. Ayaw ko sa kanya hindi na magbabago 'yon. Makuntento na lang s'ya sa kasal pero sa pakikisama at pagmamahal ko magdusa s'ya.

Sinarado na ko na ang puso ko 7 years ago pagkatapos akong saktan ng babaeng sobrang minahal ko. Ibinuhos ko lahat ng pagmamahal at tiwala ko ngunit ang isinukli lang n'ya sa 'kin ay sakit at pait. Hindi lang 'yon winasak na nga n'ya ang puso at buhay ko, kinuha n'ya pa ang taong mahalaga sa' kin. Dahil sa kanya nawalan ako ng kapatid! Mga manloloko sila! Simula nang lokohin nila ako, naging cold na ang puso ko hindi na ako naniniwala sa pag-ibig.

"Honey, dinner tayo," napatingin ako kay Carla nang nagsalita ulit s'ya, saka ko lang naalala na nandito nga pala s'ya.

"I'm busy," cold na sabi ko sa kanya. Naiinis talaga ako sa tuwing makikita ko si Carla.

Hindi pa nakuntento si Carla, sapilitan s'yang naupo sa kandungan ko. Sa inis ko hindi ko sinasadya naitulak ko s'ya.

"Hindi ka ba talaga nakakaintindi! Kakasabi ko lang busy ako! Umalis ka na nga!"

"Malapit na ang kasal natin Barry, kailan ba magbabago ang trato mo sa 'kin!" galit na galit na sabi ni Carla.

"Wala akong pakeilam sa kasal natin, magpasalamat ka na lang at pumayag akong pakasalan ka! At pwede ba, huwag na huwag mo akong tatawaging Barry. Dahil una, hindi tayo close. Ikalawa hindi kita itinuturing na pamilya! Ikatlo, ikakasal lang tayo sa papel kaya naman huwag kang umasa na mamahalin kita!"

"Makakarating lahat 'to kay Daddy!"

"Go! Magsumbong ka! Wala akong pakeilam!" eh 'di magsumbong s'ya samahan ko pa s'ya. Kabisado ko na ugali ni Carla napakasumbongera n'ya sipsip pa sa Daddy ko. Palagi ko namang pinapaliwanag kay Daddy na tama na ang sinunod ko s'ya na magpakasal kay Carla pero suklian sya ng pag-ibig, ikailan ma'y hindi ko magagawa.

Nagdadabog na nagwalk-out si Carla at habang palabas s'ya, nakita ko na nakabangga n'ya ang papasok na si Mark. Isa pa 'to, ano na naman kaya ang ginagawa n'ya dito?

"Anong nangyari? Kulang na lang magsapakan kayo huh," sabi ni Mark sa 'kin pagpasok n'ya. Alam ko naman na narinig n'ya lahat ng pinag-usapan namin, napaka-chismoso n'ya daig pa ang babae. Hindi ko lubos maisip kung bakit pumayag si Kim na pakasalan s'ya.

"Ano na naman bang ginagawa mo dito? Ang akala ko inaasikaso mo ang resort mo sa Batangas? Akala ko pa naman matagal kong hindi makikita ang pagmumukha mo." sabi ko kay Mark. Hindi ko na inintindi ang tanong n'ya kanina, alam ko naman kasi na mang-aasar lang s'ya.

"Masama bang dalawin ka?" sabi ni Mark at naupo s'ya sa kaharap na upuan.

"Bakit may sakit ba ako para dalawin mo?"

"Tsk! Sungit."

"Alam ko na, nagsumbong ba sa 'yo ang magaling kong kapatid?"

"Kahit hindi magsumbong si Kim, malalaman ko pa rin kung ano ang nangyari. Ikaw ang tampulan ng chismis dito Ice Prince hahaha."

Siya si Mark Prim, asawa ng kapatid kong si Kim. Saksi ako sa away at bati nilang relasyon, umabot pa nga na naghiwalay sila dahil habulin ng mga babae si Mark at si Kim naman napakaselosa. Kaya nga hindi na ako umasa pa noon na magkakabalikan pa sila at ngayon naging mag-asawa na.

Nakikita ko naman kung gaano kamahal ni Mark si Kim. Sa katunayan nga eh under na under si Mark, konting galit ni Kim nanginginig na sa takot si Mark. Successful din ang business ni Mark na resort sa Batangas, may-ari rin s'ya ng ibat-ibang branch ng sweet shop. Ewan ko ba kay Mark masyadong naging matamis ang buhay mula ng maging asawa si Kim. Anak na lang ang kulang sa pangarap nilang dalawa.

Matagal na din kaming magkakilala. Ako, sila Nychaa, Masu, Mint, Kim at Mark. Sa katunayan lahat kami magkababata, mayro'n pang isa kaya lang ayaw na ayaw kong naririnig o nababanggit ang pangalan n'ya. S'ya ang sumunod sa 'kin na kapatid namin ni Kim.

"Hindi lang sa mga tabloid maingay ang pangalan mo Barry, dito sa Mall ay sikat na sikat ka may codename nga silang ginagamit tinatawag ka nilang Ice Prince hahaha," patuloy na pang-aasar ni Mark.

"Magtatayo na ba ako ng fansclub mo Ice Prince? Hahaha," dugtong pa n'ya.

"Pwede ba Mark, tumigil ka na. Nakakairita na eh, kung wala kang magawa tulungan mo na lang ako nang mayro'n ka namang magawang tama sa buhay mo!" mariing kong sabi kay Mark. Sumunod naman s'ya, lumipat s'ya sa pwesto ko at nakisilip sa laptop.

"Ano ba 'yan?"

"Mga modelo na sinend ni Mint para sa new image ng Mall."

Tiningnan namin ni Mark isa-isa ang mga pictures hanggang huminto s'ya sa isang picture ng modelo.

"S'ya, sigurado ako na s'ya ang bagay maging new image ng Mall."

"Sigurado ka?"

"Oo Barry, sa pagkakaalam ko s'ya si Regine bagong rising star model. Namamayagpag ang career n'ya ngayon at pwede mong gamitin ang pagkakataong ito para maging image model s'ya ng Mall."

"Gaano ka naman kasigurado sa kanya Mark?"

"Basta sigurado ako, si Regine na ang piliin mo huwag mo na masyadong pahirapan sila Kim , okay na 'yan."

Sa tulong ni Mark, nakapili rin ako sa wakas ng bagong image model ng Mall pero parang may kulang pa rin. Sinunod ko lang si Mark, iniisip ko rin naman sila Kim baka kasi masyado na nila akong isumpa dahil sa ugali ko. Kaya naman okay na rin naman siguro na sundin ko si Mark tutal maganda naman si Regine pero hindi pa rin n'ya nakuha ang atensyon ko para sa image model na hinahanap ko.

**************************************