Chapter 61

GETAWAY

Mumunting halik sa kanyang mukha ang gumising sa inaantok na diwa ni Mari. Ayaw pa sana niyang magmulat dahil pakiramdam niya ay pagod na pagod siya at gusto pa niyang matulog subalit mukhang walang balak na tumigil ang sinumang humahalik sa kanya. Parang maghihilamos yata siya ng laway kapag hindi pa siya gumising.

Dahan dahan siyang nagmulat ng mata at nasilayan ang gwapong mukha ng kanyang anak. Malaki ang ngisi sa labi nito habang nakaupo paharap sa kanya.

"Goodmorning Mama ko..." Malambing nitong bati at sinugod siya ng yakap.

Bahagya siyang napangiwi dahil sa pananakit ng kanyang katawan partikular na ang pang-ibabang bahagi niya. Pakiramdam niya ay namamaga yata iyon at mahihirapan siyang maglakad.

"Goodmorning Big Boss." Hinalikan niya ito sa pisngi.

Ininspeksyon niya rin ang sarili at nagpasalamat nang makitang may damit na siya. Naalala niyang nakatulog siya dahil sa pagod kagabi at hindi na nakapagbihis pa. Marahil si Vincent ang nagsuot sa kanya ng damit. Nag-iini