Chapter 20

Sa bawat salitang binibitawan ni Jade ay tumatagos ito sa puso ni Greg. Hindi siya makapagsalita sapagkat alam niya na totoo lahat ang sinabi ng kaniyang sekretarya.

He was thankful to Jade. Dahil mas naging klaro ang kaniyang isip. Alam na niya na rin kung ano ang kaniyang gagawin.

'I must accept it now... And let her go, soon', turan ni Greg sa kaniyang isipan.

Bago tuluyang sumilay ang liwanag ay bumalik na sina Jade at Greg sa kani-kanilang kwarto pagkatapos ang kanilang pag-uusap.

***

"Haha, hey, girl!" Napakunot ang noo ni Jade matapos makita ang sitwasyon ni Gwen samantalang natatawa naman sina Elle at Zhyryl kay Gwen.

"Gosh! Hindi ka ba nagsasawa sa alak? Kagabi ka pa umiinom!" panenermon ni Jade ngunit nginingitian lamang siya ng kaibigan.

"The alcohol is seducing me! Besides, I saw... a handsome man, haha." Napailing na lamang si Jade dahil hindi na rin makapagsalita ng maayos si Gwen. Ngayon, sa tuwing malalasing si Gwen ay sobrang ingay na nito. Palagi siyang nagkwekwento sa mga nangyari noon sa kanila at kung ano-ano rin ang sinasabi, hindi katulad noon na walang imik si Gwen ng unang beses na makitang lasing na lasing ni Jade.

Inalalayan na nila Jade, Gwen at Zhyryl si Gwen patungo sa kanilang kwarto. Ngayong gabi ay sila namang apat ang nagkaroon ng munting salo-salo sa may baybayin. Kumain, kwentuhan, asaran at inuman ang kanilang ginawa. 

"Hey! You should wash your body first!" saad ni Elle ngunit humiga na kaagad si Gwen sa kaniyang kama.

"Come on!" saad naman ni Zhyryl habang bahagyang hinihila ang paa ni Gwen ngunit tinataboy naman siya nito.

"I don't want to! I want to sleep! No! Stop it!" pagmamaktol nito habang sinisipa na niya si Zhyryl.

"Can you handle Gwen? Kailangan ko pa kasing ayusin 'yong mga ginamit natin doon."

"Wait. Tulungan na kita," saad ni Elle ngunit tumanggi si Jade dahil lasing na din ito. Sa kanilang apat ay si Jade lamang ang hindi nalasing sapagkat kalahating baso lamang ng alak ang kaniyang ininom. Nahihilo na rin kanina pa sina Elle at Zhyryl, baka sumuka pa silang dalawa kaya nagdesisyon si Jade na siya na lamang mag-isa ang umayos ng kanilang ginamit.

Mabilis na nagtungo si Jade sa kanilang pwesto kanina sa may baybayin. Mag-isa niya ring tinapon at inayos ang kanilang ginamit. Naging madali na lamang ito sapagkat nasimulan na nilang ayusin kanina bago sila nagtungo sa kanilang kwarto.

"Mabuti na lang at natapos ko na!" masayang saad ni Jade ng matapon na sa basurahan ang kanilang ginamit na hindi na kailangan. Kaagad din siyang naghugas ng kaniyang kamay na malapit lang naman sa tapunan ng basura.

Muling bumalik si Jade sa pwesto nilang magkakaibigan sa baybayin. Napahinto siya ng makita si Greg na mag-isang nakaupo hindi kalayuan sa kaniyang kinatatayuan. Malalim ang iniisip nito kaya hindi na lamang ni Jade inistorbo ang kaniyang boss. Umalis na siya at naglakad-lakad palibot sa resort.

Sa kabilang banda, makailang beses ng nagpakawala ng malalim na buntong hininga si Greg habang nakatingin sa gitna ng dagat o sa kalangitan.

Hinihiling niya kasi na makita pa ring muli ang babae kahit na isang beses man lang. Mayroon kasi siyang kasagutan na gustong makuha mula sa kaniya. Nangako rin kasi sila sa isat-isa ngunit hindi inaasahan ni Greg na sa pagkalipas lamang ng isang araw ay hindi na niya makikita pa ang babae, nawala ito na wala man lamang na binilin sa kaniya.

Sa isipan ni Greg, marahil ito ang dahilan kung bakit hanggang ngayon ay hindi niya pa rin mapakawalan ang memorya ng babae. Naghihintay siya na magpaliwanag ito sa ginawang paglisan ng biglaan na hindi man lang nagpaalam.

Sa kabilang dako, patuloy lamang na naglalakad-lakad at nagmamasid-masid si Jade sa kaniyang paligid. Nag-e-enjoy siya sapagkat ang ganda talaga ng resort, mula sa desenyo nito, mga palamuti na nakapaligid dito, maaliwalas na kapaligiran, magagandang ilaw o dekorasyon sa bawat paligid nito at ang ganda ng tanawin. Hindi na rin matao sapagkat alas dose na ng umaga kaya mas gusto ito ni Jade dahil nasosolo niya ang magandang paligid.

Nagtungo siya sa isang cottage na punong-puno ng ibat-ibang kulay ng Christmas lights. Nakapalibot ang lahat ng ito sa cottage, maliban dito ay mayroon din itong ibat-ibang desenyo kaya mas lalong naging maganda ito sa kaniyang paningin.

Masyado siyang nag-e-enjoy sa loob ng cottage. Ngunit kaagad din siyang naalarma ng may maamoy na parang nasusunog na wire.

Nababahalang napatingin si Jade sa kaniyang paligid. Naisipan niya naman na lumabas na sa cottage ngunit nagulat at natigilan siya ng makarinig ng mahinang pagputok. Naging sunod-sunod ito hanggang sa magkaroon na ng apoy ang paligid ng cottage. Jade was trap.

Naiiyak na napatingin si Jade sa kaniyang paligid. Hindi niya magawang umalis sapagkat mas lalong lumakas na ang apoy dahil gawa lamang sa light materials ang cottage. Pinagpapawisan na rin si Jade dahil sa init na nararamdaman at umuubo dahil sa usok na nakapalibot sa kaniya. Ilang beses na din siyang sumigaw ngunit mukhang walang nakakarinig sa kaniyang tinig.

Nagpapasalamat siya na dala-dala niya ang kaniyang cellphone. Kaagad niyang tinawagan ang kaniyang mga kaibigan ngunit walang sumasagot sa kaniya. Kahit na bahagyang nanginginig ang kaniyang kamay ay tinext niya sila. Naalala naman ni Jade ang kaniyang boss. Sinubukan niya naman na tawagan ito ngunit hindi rin sumasagot, nag-text din siya sa kaniya. Hindi ganoong kalayo ang distansiya ni Greg sa kaniya kaya hinahangad niya na masagip siya nito.

Ngunit lumipas na ang ilang minuto ay wala pa ring dumarating na taong tutulong sa kaniya. Unti-unting napaupo si Jade. Binabalot ang buong sistema niya ng takot, hindi na siya makahinga ng maayos. 

Napatingin siya sa kaniyang itaas ng marinig ang tunog ng isang kahoy na animo'y nabali. Nanlaki ang kaniyang mga mata ng makitang mahuhulog na ang nasusunog na kahoy mula sa kaniya.

***

"Sir Greg!" pagtawag ni Elle sa kaniyang boss. Huminto din naman si Greg at hinintay na makalapit sa kaniya si Elle.

"Its already midnight. Bakit nasa labas ka pa rin Ms Elle?" nagtatakang tanong ni Greg sa kaniya.

"Ohh, I was going to ask if you see Jade. Nakatulog kasi ako saglit kanina at ng magising ako ay wala siya sa kama niya. I'm just wondering were she have been," paliwanag ni Elle ngunit nagkibit balikat na lamang si Greg dahil hindi niya alam kung nasaan din ang kaniyang sekretarya.

"Did you smell that?" magkasabay na tanong nina Greg at Elle sa isat-isa.

"I think there's something burning," saad nilang dalawa at kaagad na inilibot ang kanilang paningin sa paligid ng resort. 

Sa hindi malamang dahilan ay nakaramdam ng kakaibang kaba sina Greg at Elle matapos makita ang medyo kalakasan na apoy at maitim na usok hindi kalayuan sa kanilang kinatatayuan na dalawa. 

"Call the staff of the resort!" 

"Ask help!"

"Get a fire extingusher!"

"There's a lady in that burning cottage!" Sa hindi malamang dahilan ay napatakbo din sina Greg at Elle patungo sa may sunog. Nakipagsabayan sila sa ilang mga tao na naroon din sa resort na patungo sa nasusunog na cottage. Nabahala sila ng marinig na mayroong babae sa loob ng cottage. Dinarasal na lamang nila na hindi si Jade ang naroon... Ngunit huli na ng makapunta sila doon.