Chapter 2

Lovely 

“Class dismissed.” 

Ang salitang iyon ng aming guro ang dahilan upang mabilis na magsikilos ang mga kaklase ko. Niligpit nila ang kaniya-kaniyang gamit. Nag-polbo, naglagay ng liptint at nagpabango pa. 

Samantalang ako ay nagliligpit din ng aking mga gamit ngunit hindi nagpapaganda. Real beauty doesn't need artificials. 

Matapos kong ayusin ang mga gamit ko ay nauna na akong lumabas ng room. Pupunta pa akong Gravi-tea. 

Ngunit kung minamalas ka nga naman. Sina Rich at Gabby, nasa may labas ng pinto ng room namin, halatang inaabangan ako. 

Ngumisi si Rich. “Nagmamadali ka yata, Miss SA? Saan lakad natin?” Tanong niya; napalunok ako kasabay ng paghawak nang mahigpit sa libro ko. 

Natawa si Gabby. “Wari ko'y takot si Arci, dude.” Pang-aasar niya. 

“A-Ano bang kailangan niyo, ha?” Matatag ang tinig kong tanong. Nakakainis. Kapag ako nahuli sa unang araw ko sa trabaho, lagot ako! 

May lumabas na kaklase kong babae kaya natuon sa kaniya ang mata at atensyon nila Rich at Gabby. 

“Hi, babe! I missed you.” Bati ni Richel, kaklase ko, kay Rich at lumapit. May ibinulong itong hindi ko naintindihan sa kaniya, bagay na ikinangiti ni Rich. 

“Later, babe.” Aniya, tumingin muli ss akin. “Hanggang sa susunod, Arci. Tara, Gab.” May himig pagpapahiwatig na dagdag pa niya. 

Ilang segundo kong pinanood ang paglalakad nila ng kaibigan kasama si Richel. I rolled my eyes at them. “So gross,” 

Kaya lang siguro napadaan ang mga iyon dito ay para sunduin si Richel. Girlfriend niya kasi ito at alam ni satanas kung paanong pagmamahalan ba ang mayroon sila. 

Kaya rin siguro kung makabantay sa akin ng inam si Rich at Gab ay para hindi ako magsalita tungkol sa kanilang mga kabalikuan. 

I breathed hardly. Kung sana kasi hindi kinain nila Eba at Adan ang mansanas na bigay ng ahas, wala sanang kasalanan ang mundo. Sana ay iniihaw na lang nila ang ahas! 

Napangiwi ako sa aking isipin.

Malalaki ang hakbang kong naglakad papasok sa shop ni Sir Evans. Halos takbuhin ko naman ang hagdanan para lang makarating agad sa office ni Sir.

“26 minutes, 45 seconds and .28 milliseconds late, Aria Chantelle Yniguez.” Iyan ang bungad ni Sir Evans nang sandaling buksan ko ang pinto ng office niya.

Halos mapatulala ako sa itsura niya ngayon dahil mas pinatikas at pinagwapo siya ng kasuotan niyang puting polo sleeves, nakatupi ang dulo hanggang siko. Bukas ang tatlong butones. 

Nakaupo sa swivel chair, nakapatong ang mga braso sa mesa. Medyo magulo ang buhok at basa ang mga labi, waring galing sa tubig na iniinom niya. Pero ang nakakuha ng aking atensyon ay ang kaniyang walang kasinlamig na at lalim na mga titig. 

Napaayos ako ng tayo sa harapan nito. “P-Pasensya na po, Sir. Traffic po kasi at...at hinarang po ako kanina ng mga lalaking humahabol noong isang gabi sa akin.” Paliwanag ko. 

Hindi ko kinakitaan ng anumang reaksyon ang mga mata niya. Ano pa bang aasahan ko? Ganiyan siya, e. 

Just then, he stood up and approached the paperbag that happened to be placed on the couch. He handed it to me. “This is your uniform. Wear this and follow me in the kitchen.” 

I accepted the paperbag. “Thank you, Sir.” 

Nakapamulsa siyang nilampasan ako at naunang naglakad papalabas. The moment the door closed, I browse what was inside the paperbag. 

Ihinarap ko sa akin ang waitress uniform. Kulay emerald green at white iyon. Above the knee length. May parang puti pang headband na isinusuot sa buhok. 

Hinanap ko ang banyo ni Sir sa loob ng office. Hindi naman ako nahirapan dahil ilang hakbang lang ay nakita ko na. “Pati banyo, engrande. Yaman talaga.” Puna ko, isiusuot ang waitress uniform. 

Bago lumabas ng kaniyang opisina, itinabi ko muna ang aking libro at bag sa sofa niya. Mamaya ko na babalikan kapag tapos na trabaho ko. 

“This is our kitchen. Dito inihahanda ang mga pagkaing order mula sa mini restaurant, Arci. Kapag may bagong dating na mga customer, lalapitan agad at ia-assist. Tatanungin ang order at agad isusulat sa order pad.” Paliwanag ng Head Cook ni Sir Evans. 

Tumango ako. “Opo.” 

Pasimple kong tiningnan si Sir mula sa maliit na bintana ng kusinang ito na nakaupo roon sa isang coffee table kausap ang isang magandang babae. Maputi. May mahabang buhok. Mukhang modelo. Pero bakit parang inis siya kay Sir? Siya kaya 'yong Yash? 

“Aria Chantelle?” 

“Ay, manok—Ma'am?” Natutulirong tanong ko sa HC. Pinamewangan niya ako. Naitungo ko tuloy ang aking ulo. Hindi ko alam na natulala ako sa mga iyon. “P-Pasensya na po,” 

She snarled. “So what I'm saying is when you are assigned in mini-restaurant, doon ka lang. Kapag dito sa baba, sa café, dito ka lang din. Understand?” 

“Yes po.” 

“Good.” 

Matapos ng ilang instructions ni Ma'am Venelle, tinuruan niya naman ako kung paano ko dapat hawakan ang tray kapag nagsi-serve na para iwas disgrasya raw. Itinuro din nila kung paano ang basic mixing ng special milkshakes, coffees at pati na rin ang tamang paraan kapag nagsi-serve ng sliced cake. 

Madali naman akong matuto. Kuha ko agad ang iba sa mga itinuro sa akin. Halos palakpakan ako ng limang waitress na kasama namin. Maliban sa isa. 

“Just make sure na hindi ka papalpak sa trabaho mo, Arci. Kung hindi?” Naglakad palapit sa akin si Royal, waitress din, at ngumisi. “Goodbye ka agad.” Mahinang aniya, ako lang ang nakarinig. 

“S-Sige,” sagot ko na lang. Ang sungit naman nito. Peke naman kilay. 

Saktong may pumasok na couple customers. Sinenyasan ako ni Ma'am Venelle na asikasuhin  bilang pang-unang trabaho. 

Huminga muna ako nang malalim bago lumabas sa kusina na iyon at sinalubong ang customers. Napatingin sa akin si Sir at ang magandang babaeng kasama niya. Damn. 

“Welcome to Gravi-tea, Sir and Ma'am! Food or coffee?” Nakangiting salubong ko sa kanila. 

Pasimple kong tiningnan sa gilid ng mga mata ko ang table nila Sir. Dalawang table lang naman ang layo nila mula sa front door. 

“Food.” Simpleng sagot ng babae. 

“Babe, let's add coffee.” Boyfriend niya. 

Ngumiti ang babae. "Sure, babe. So, Miss, saan kami pwede?” 

“You can have your seat on the second floor and here, Miss. The second to the last table is free.” Sabi ko, itinuro ang bandang likuran ng coffee table iyong malapit sa bintana.

Puno na kasi ang lahat ng tables maging sa taas. Mabuti at may umalis na kaninang mga babaeng customers.

“Sure, sure. We'll go on the second floor, Miss.” Aniya.

Niyaya nito ang boyfriend paakyat. Sumunod naman ako dala ang order pad para kuhanin ang orders nilang dalawa.

Matapos makuha ang mga orders nila, bumaba ako at sinabi iyon sa kay Miss Venelle para sa pagkain. At dahil may kasamang dessert at coffee, kinailangan kong kausapin ang masungit na si Royal.

"Anong order?" Maarteng tanong niya sa akin. 

“Two angel cake. One cappuccino. One americano. Huwag daw tapangan masiyado ang kape—"

“O, e 'di ikaw na maggawa." Pambabara niya sa akin.

"Royal! Be good to her." Suway ni Melanie, waitress din. "Such a brat. Pasensya na, Arci." Siya ang humingi ng paumangin imbes na ang Royal na ito.

Ngumiti ako ng tipid. "Ayos lang, Mel."

"Whatever." Sagot niya. 

Ewan ko kung anong problema niya sa akin. Ano bang ikinagagalit mo, ha? Pasalamat ka at marunong pa akong kumilala ng mas nakakatanda sa akin. 

Matapos mailagay ang orders sa tray ay dinala ko na ang mga iyon sa taas. “Here are your orders.” Sabi ko, inilalapag ang mga pagkain sa mesa nila. “Enjoy.”

"Thank you, Miss."

Ngiti lang ang itinugon ko sa kaniya bago bumabang muli. Inutusan ako ng iba na magsimulang linisin ang mga naiwang kalat sa mesa ng mga customers. Ang mga waiters naman ay sa mini-restaurant. 

Hindi ko inaasahan na mapapadako ako sa likod na table na inu-okupa nila Sir Evans at babaeng kasama niya.

Sinadya kong bagalan ang pagkilos ko sa pagpupunas ng table. Gusto ko lang malaman kung girlfriend niya ba ang babae o ano.

“Excuse me, Mr. La Galliene? I just came here because you told me, too. Sabi mo ay may sasabihin ka, hindi ba?” Ang ganda ng boses ng babae nang nagtanong siya. Mala-diyosa.

Sir Evans scoffed. "Really, Miss Yashrie Millen Relavamonte? Why don't you tell me that you want to see Heimdall, huh?" He mocked.

Sinemplehan ko ng tingin si Yashrie Millen Relavamonte. So, siya nga si Yash? In fairness, ang ganda rin ng name. Mukhang hindi gagawa ng masama.

Pinaningkitan niya si Sir ng mata. "Stop it. Ano ba kasing sasabihin mo, ha? Bilis na at kailangan ko nang umuwi dahil gabi na."

Sir Evans chuckled. "Okay, okay. Don't worry, ihahatid kita."

Natigilan si Yash sa sinabi ni Sir Evans. Ang mga singkit na mga mata niya ay napatitig kay Sir Evans. Hindi ako pwedeng magkamali sa nakita ko sa mga mata ni Yash. He likes...Sir.

Tumayo bigla si Yash. "N-No, thanks. I can manage—"

Mabilis din na tumayo si Sir. Hinawakan niya ang kamay ni Yash bilang pagpigil rito. "I insist, Yash. Gabi na. Gusto kita...ihatid."

Napalunok si Yash dahil sa sinabing iyon ni Sir. Gayunpaman, nakuha niyang ngitian ito ng pilit. "K-Kaya ko na, Priam." Pagtatapos niya, dinampot ang Channel bag niya. "Sige. Una na ako,"

Pinanood namin siyang maglakad paalis ng shop. Dinig ko ang mura ni Sir bago mabilis na dinampot ang phone niya sa ibabaw ng mesa bago sundan si Yash na kalalabas lang.

"That's Yashrie Millen Relavamonte, Arci. She's a makeup artist ng mga kilala niya lang. Student din siya gaya mo. Ganda 'no?" 

Halos mapatalon ako sa gulat nang biglang magsalita si Melanie mula sa aking tabi. Ni hindi ko napansin ang paggalaw niya. 

“Oo nga..." Wala sa sariling sagot ko. 

"Sa LPU rin siya nag-aaral gaya mo. Nasabi ni Sir kanina na doon ka nag-aaral, huwag ka na magtaka. Baka makasalubong mo siya sa campus, say hi. At! Kapatid siya ng ex ng asawa ng pinsan ni Sir Evans. Kapatid ni Kiel Yanzi Relavamonte. Mahihirapan manligaw si Sir 'pag nagkataon. May kuya, e."

"Ah, m-mukha nga. Maganda naman kasi si...Yash." Sabi ko. Ang dami niya namang alam. Stalker? Or bet na bet lang si Yash kay Sir? 

Mahina siyang natawa. "Ang sabi-sabi rin, crush siya ni Sir Evans. Pero ang crush ni Yash ay si Sir Heimdall, pinsan ni Sir. Sayang at wala siya ngayon dito sa bansa." Kwento niya, may panghihinayang sa tinig.

Tiningnan ko siya. Daming kwento, Mel? "Na saan?" Tanong ko. 

"Spain. Taga-roon naman kasi sila Sir pati mga pinsan niya, Arci. Baka may inaasikaso lang. Kapag nakita mo ang iba niyang pinsan, mapapasabi ka na lang na 'Gusto ko ng isang La Galliene.'" Sabi niya.

Sa rami nang sinabi niya, iisang salita lang ang nakakuha ng atensyon ko. "Spain..." 

"Oo, girl. Sosyal 'no? Hays. Gusto ko rin sanang mamarkahan ng La Galliene kaya lang...wala naman silang gusto sa akin. Haha!" She wished jokingly. 

Nginitian ko lang siya ng pilit. Ibinalik ko ang aking mga mata sa nilabasan nila Sir Evans, natutulala. Spain... 

Iwinaksi ko sa aking isipan ang mga tumatakbong bagay na hindi ko gustong balikan pa. Masakit iyon. Walang sinuman ang makakapagpagaling sa bagay na 'yon.

Kahit pag-ibig pa. 

"Trabaho hindi chismis, oy!" Biglang sulpot ni Royal. Tiningnan niya ako na may ngisi sa mga labi. "Kung inaakala mong magugustuhan ka ni Sir Evans, asa ka. Ang type niya sa mga babae—" 

Ngisihan ko siya pabalik. "Gaya mo, gano'n?" 

Kaagad nawala ang mapang-asar na ngisi sa labi niya. Napalitan ng gigil. Humakbang ito palapit sa akin. "Anong sabi mo?" 

Pumagitna sa amin si Mel. "Girls, tumigil kayo. May mga customers. Malilintikan tayo kay Sir Evans." Pigil ang inis ni Mel. 

Tinitigan ko nang malalim si. Royal. Gano'n din siya. Hindi ko papatulan ang ugali mo. Hindi ikaw ang trabaho ko. "Sa kusina na muna ako." Paalam ko, binitbit ang basahan bago naglakad paalis. Kainis. 

Pigil ang inis kong hinugasan ang kamay ko sa lababo. Halos magtindigan ang balahibo ko nang biglang marinig ang tinig ni Sir Evans mula sa likod ko.

"Keep up the good work, Arci." Sabi niya.

Nilingon ko siya. "S-Sir..."

Hindi ko alam kung anong mararamdaman ko nang sandaling bigkasin niya ang salitang naglukso sa dibdib ko matapos akong sipatin mula ulo hanggang paa. 

"By the way, you look...lovely in your uniform." He complimented. "Very lovely."