Chapter 6

Chapter 6

Dream Adelone Cortes

MALAKAS ang pintig ng puso ko habang nakasakay sa loob ng kotse. Mahigpit ang pagkakahawak ko sa bouquet na nasa mga kamay ko. Kinakabahan ako. Sobra-sobrang kaba ang nararamdaman ko at hindi ko alam kung paano ako kakalma.

Napatingin ako sa gilid nang biglang bumukas ang pinto. Nakatayo si dad at nakalahad ang kamay sa akin. He's smiling sweetly making me smile too.

“Naghihintay na ang groom mo.”

Napangiti ako ng mas malaki saka tumango. Dahan-Dahan akong bumaba ng kotse at inayos ang damit ko. Tinulungan naman ako ng ilang kasamahan ng event organizer habang nakikita kong sinasarhan ng ilang tao ang pinto ng simbahan.

“Dream!”

“Ay!” napatili ako at naihagis ng wala sa oras ang hawak kong bulaklak nang biglang tumili si Yannie at bumulaga sa gilid ko.

Nanlaki ang mga mata ko habang nakatingin sa kamay ko.  Iyong bouquet ko!

“Mamaya pa 'to ihahagis. Excited ka naman.” tumatawang sabi ng isang lalaking naka black tux sa akin.

Kamukhang-kamukha niya ang future husband ko na nasa loob ng simbahan. Napalunok ako saka tiningnan ang kasama niyang babae.

Iniabot sa akin ni Blast ang bouquet ko. “Hawakan mo ng mahigpit.”

Napangiwi ako. Ang lakas rin mang-asar nito e.

“Congratulation, by the way. This is Alena, my loving wife. My sweet, this is Dream, my sister-in-law.” nakangiti akong ipinakilala ni Blast sa asawa niya.

Ngumiti ako. “Hi, congratulation. Pasensiya na, late kami, ito kasing si Blast, ang kupad kumilos.”

“Nasarapan ka lang kanina e.” pabulong na sabi ni Blast at nakatanggap siya ng hampas mula kay Alena.

Mahinang tumawa si Blast saka nagpaalam na papasok na sila sa simbahan.

Napanguso nalang ako saka inayos ang pagkakahawak sa bouquet ko. Buti nalang nasalo ni Blast, kundi sira sana 'to. Kasalanan kasi ni Yannie e.

Hinarap ko ang dalawang baliw kong kaibigan. “Bakit ba kasi kayo nanggugulat?”

“Hindi kita ginulat. OA ka lang talaga.” tumatawang sagot sa 'kin ni Yannie.

Ilang saglit pa ay sinabihan na kaming maghanda dahil magsisimula na ang seremonyas. Pumila na sa unahan sina Kit at Yannie.

Habang naghihintay ako ng signal para sa 'kin ay mahigpit akong kumapit sa bisig ni dad. Marahan naman niyang hinaplos ang kamay ko kaya napalingon ako sa kaniya at ngumiti.

“I know you will be happy with him, anak.”

Tumango ako. “Yes, dad. Thank you dahil ikaw ang dahilan kaya natupad ang pangarap kong makita ulit si Blaze. Hindi ko lang siya nakita ulit, magiging asawa ko pa.”

“That's because I love my only daughter.”

Ngumiti ako at emosyonal na isinandal sa balikat niya ang ulo ko. Nang makapasok ang lahat ng abay ay sinenyasan na rin kaming pumasok. Nagkatinginan muna kami ni dad bago niya ako inalalayan at nang sandaling matanaw ko ang lalaking nakaputing tuxedo na nakatayo malapit sa altar ay nangilid ang luha sa mga mata ko.

Hindi ko akalaing mapapaiyak ako dahil sa kasal na 'to na kahit hindi involved ang love ay masaya pa rin ako. Sa totoo lang may usapan kami ni Blaze, na hindi namin pakikialaman ang personal na buhay ng isa't-isa maliban nalang kung magkagustuhan kaming dalawa. Ang siste ay hindi niya alam na gusto ko na siya. Mahal pa nga.

Habang naglalakad kami ni dad ay tila sumasabay sa ritmo ng kanta ang paggalaw ng gown ko dahil sa paghakbang ko.

Mabilis man ang pangyayari, mas mas mabilis ang tibok ng puso ko at para akong natutuyuan ng laway.

“Anak, uhog mo.”

Natawa ako sa sinabi ni dad kaya napasinghot ako ng wala sa oras. “Dad naman e.”

Tumawa lang siya at hinaplos ang pisngi ko sa ilalim ng belo na suot ko.

Ilang saglit pa ay nakarating na kami sa harapan ni Blaze. Ngumiti ito sa akin at kay dad.

“Blaze, inaasahan kong aalagaan mo ang prinsesa ko.”

Tumango si Blaze saka sumulyap sa akin bago sinagot si dad. “Makakaasa po kayo... dad.”

Nang hawakan ni Blaze ang kamay ko ay napangiti ako ng mas malaki. Sabay kaming naglakad papunta sa harap ng altar at humarap sa pari. Habang nagsasalita ang pari ay pasulyap-sulyap ako kay Blaze. Diretso lamang ang paningin niya. Seryoso ang kaniyang mukha na nakikinig sa pari.

“Kung mayroon man sa inyo ang tutol sa pag-iisang dibdib nina Blaze Villacorta at Dream Cortes, maaari kayong magsalita.”

Napalunok ako sa sinabi ng pari. Dahan-dahan at pasimple akong lumingon sa likod at napatingin sa mga bisita. Natigil ang atensyon ko sa isang magandang babae na nakaupo. Sobrang ganda niya. Maamo ang kaniyang mukha at sa hindi ko malamang dahilan ay nakaramdam ako ng inggit sa kaniya.

Napatingin ulit ako sa unahan nang nagpatuloy sa pagsasalita ang pari.

Walang tumutol. Gusto kong tumalon dahil sa tuwa. Ibig sabihin ay tuluyan ko nang magiging asawa si Blaze Villacorta. Ang sikat at gwapong businessman na si Blaze Villacorta na matindi ang reputasyon pagdating sa kababaihan.

“Blaze and Dream, have you come here freely and without reservation to give yourselves to each other in marriage?"

"Will you honor each other as man and wife for the rest of your lives?"

"Will you accept children lovingly from God and bring them up according to the law of Christ and his Church?"

Nakangiti akong tumango. “Yes.”

Nilingon ko si Blaze. “I will.” sagot niya matapos akong sulyapan.

Magkaharap kami ni Blaze at grabe ang pakiramdam ko habang tinititigan siya sa mga mata. Para akong nalulunod sa sarili kong panaginip.

“I, Dream Adelone Cortes, take you, Blaze Villacorta, to be my husband. I promise to be true to you in good times and in bad, in sickness and in health. I will love you and honor you all the days of my life.” napapaluha kong litanya.

Hinaplos ni Blaze ang mga kamay ko hawak niya. “I, Blaze Raven Villacorta, take you, Dream Cortes, to be my wife. I promise to be true to you in good times and in bad, in sickness and in health. I will stay by your side and honor you all days of my life.”

Napalunok ako. Hindi niya binanggit ang salitang love. May kurot sa puso ko pero hindi ko na 'yon pinansin.

Ngumiti ako sa batang babae na lumapit sa amin. Siya ang ring bearer namin at naipakilala na siya sa akin ni Blaze. Siya si Alesana Grace, ang anak niya sa ex niya. Sobrang gandang bata at mabait.

“Thanks, sweetheart.” nakangiting sabi ni Blaze sa anak niya.

Ngumiti rin ako at hinalikan ang pisngi nito. “Thank you, baby.”

The girl smiled at mas lalo akong napangiti dahil kamukha ng ngiti niya ang ngiti ni Blaze. “Congratulations to the both of you, dad, and aunt Dream.”

Tumango ako at hinaplos ang kaniyang pisngi. Nang umalis siya ay nagbigayan na kami ni Blaze ng singsing. Halos tulala na ako sa mga kasunod na nangyari hanggang sa iangat na ni Blaze ang belo ko at hinalikan ako ng masuyo sa noo.

That's a sweet gesture but it somehow pains me.

TO BE CONTINUED...