CHAPTER 39- Rendezvous

MALIYAH POV

Palaisipan para sa akin kung sino at kong taga saan ako, ayon kay Nanay Pising na siyang kumukop sa akin natagpuan niya akong walang malay sa gilid ng bangin malapit sa ilog. Wala akong malay, at duguan ako. Hindi ko rin maalala kung sino ako. Gayunpaman nagpapasalamat ako, dahil buhay ako at sigurado ako, hinahanap na ako ng pamilya ko. Pero ilang taon na rin akong naririto sa barrio paz sa Calapan. Kinupkop ako nila Tatay Efren at Nanay Pising, meron silang anak si Oscar, pero naka destino sa iba't ibang lugar sa bansa dahil isa itong personal bodyguard ng isang mayaman na negosyante. Bihira daw itong umuwi kaya natutuwa silang buhay ako. Puno ng sugat at pasa daw ang buong katawan, meron pa akong pilat sa braso na tila nahiwa ng isang matalim na bagay. Ayon sa kanila ilang buwan din akong namalagi sa hospital sa siyudad.

Nasa tabi ng dagat ang tinitirhan namin. Mangingisda si Tatay Efren si nanay pising naman ang taga tinda ng huling isda ni tatay at tinutulungan ko s