CHAPTER 3

Habang nasa sasakyan si Lara malalim ang iniisip nito dahil sa nangyari kanina sa elevator. Kasalukuyan siyang papunta ngayon kay Kate.

Nang makarating siya sa apartment ng kaibigan niya at nagpark agad ng kanyang sasakyan.

Patungo na siya sa apartment ni Kate at akmang kakatok siya ng magbukas ang pinto.

"Oh nandiyan ka na pala lalabas sana ako para bumili ng pagkain." akmang lalabas na sana si Kate ng pinto pero bumungad si Lara sa harapan niya.

"Nako 'wag na may dala na akong pagkain para sa atin. Heto may dala akong graham cake na paborito mo." banggit ni Lara sabay na itinaas upang ipakita ang mga dala nitong pagkain.

"You know everything about me. You are the finest!" kita ang saya kay Kate dahil nagtatatalon ito sa tuwa.

"Hindi mo ba ako papapasukin?" taas kilay na tanong ni Lara sa kaibigan niya.

"Pasok mahal na reyna." umakto pa itong aalalayan si Lara sabay ngumisi.

Pagkapasok agad na inayos ni Kate ang uupuan ni Lara at inihanda ang mga pagkain upang maihain na sa center table.

"How's your day naman? Mukhang pagod ka ah." biglang tanong ni Kate habang inaabot kay Lara ang wine.

"Maraming ginawa sa company, tinatapos ko na rin mga paper works para hindi na hassle masyado sa susunod." sagot naman ni Lara at bumuntong hininga.

"Nasaan si Lemuel ang magaling mong boyfriend?" taas kilay na tanong ni Kate.

"Ah Eh, nagpaalam may pupuntahan daw siya." saad naman ni Lara at nagkamot ng ulo.

"Ayan na naman! Nako ha kung ako ang nobya ni Lemuel mag dududa talaga ako sa ginagawa niya. Palagi siyang umaalis ng hindi man lang nagsasabi kung saan pupunta." biglang tumaas ang boses ni Kate.

"Hinayaan ko lang kasi alam ko pagod siya baka doon lang mapapagaan loob niya. Sa dami ba namang ginawa sa company." pagdipensa ni Lara sa kanyang kasintahan.

"Hindi ba dapat ikaw ang pahinga niya? Sa'yo niya dapat ginugugol ang oras niya kung gusto niya magpahinga para naman may quality time kayong dalawa." paiwanag ni Kate.

"Baka mga kaibigan niya naman kasama niya. Syempre hindi ko naman kapantay ang mga kaibigan niya iba parin sila." dagdag pa ni Lara.

"Ayan kasi ang mahirap sayo masyado kang nagbubulagbulagan sa ginagawa ng boyfriend mo masyado mo kasing kinukunsinti." sambit ni Kate habang dinuduro si Lara.

"Sa pagkakaalam ko hindi dapat ako ang main topic dito ikaw dapat diba?" sabay tinignan ng masama ang kaibigan niya.

"Ay oo nga pala." sabay ngisi na sabi ni Kate.

"Anong ba talagang nangyari sa inyong dalawa ni Charles?" tanong ni Lara habang nagsasalin ng wine sa snifter glass.

"Aba ang loko pamilyado pala pero nakipag relasyon pa sa akin. Nalaman ko lang kanina nung magkasama kami nag text ang asawa niya at nabasa ko ayun nagpaliwanag pinili ko na lang rin makipag hiwalay kaysa magpaka mangmang." kwento ni Kate.

"Sabi ko sayo nakakapag duda na. Hindi ba kung ano anong hinihingi niya sayo lalo na mga luho niya. Ikaw din pala 'tong nagpapaka tanga." pang aasar ni Lara sa kaibigan niya.

"Oo na kasalanan ko na syempre minahal ko rin naman siya, sa tatlong taon naming pagsasama hindi ko man lang napansin na pamilyado siya. Ayoko namang makasira ng pamilya kaya mas pinili ko na lang na makipag hiwalay kaysa mawalan ng ama ang mga anak niya." saad ni Kate.

"Hayaan mo na mukha namang tipaklong yun, I'm sure na makakakita ka pa ng mas better sa ulupong mong ex-boyfriend." sambit ni Lara saka tumawa ng malakas.

"Hoy! Grabe ka naman, oo medyo." sang ayon ni Kate saka humagalpak din ng tawa.

Kita mo sa mata ni Kate ang lungkot at pagkadismaya sa sinapit niya sa kasintahan. Pero sa kanya mas mabuti na rin ito para siyang nabunutan ng tinik dahil kahit papaano nakatakas na siya sa maling sitwasyon na pinasok niya.

Hindi na lang ininda ng dalawa ang mga problema na kinakaharap nila. Nagsaya na lang sila ng gabing iyon, ganito ang lagi nilang ginagawa sa hirap at ginhawa magkasama nilang hinaharap ito.

Maya maya sumandal si Lara sa kinauupuan nila na para bang may iniisip na malalim.

"Oh napano ka ayos ka lang ba?" nag aalalang tanong ng kaibigan niya.

"Kanina kasi hindi ko alam kung dahil sa pagod at stress pero nung papunta ako dito nasa elevator ako, may nakita akong anino sa salamin na ginagamit ko habang nag re-retouch ako. Wala akong kasama sa elevator pag pasok ko sure ako doon." kwento niya at niyakap ni Lara ang kanyang sarili.

"Seryoso? Nacheck mo ba ang CCTV footage ng company niyo?" nag aalalang tanong ng kaibigan niya.

"Hindi pa pero baka bukas tignan ko na rin para malaman kung anong nangyari kanina." sagot ni Lara na halatang kinikilabutan na.

"Balitaan mo ako agad kapag nakita mo ah." sabi naman ni Kate habang tinatapik ang likod ng kanyang kaibigan.

"Nagsimula lang talaga 'to nung may dumating na sobre sa akin." dagdag ni Lara.

"Sobre? Saan galing?" rinig sa boses ni Kate na interesado siya dito malaman.

"Kanina lang may nagpadala ng sobre sakin. Iniwan lang daw sa tapat ng building at nakapangalan sa akin, ang nakakapag taka walang ibang nakakita sa nag iwan ng sobre at wala na rin ibang nakasulat sa labas kung hindi pangalan ko lang." pahayag ni Lara at dinukot ang sobre sa kanyang Hermes bag.

"Patingin nga." sabay kinuha niya ang sobre na inaabot sa kanya ng kaibigan niya.

Halatang binubusisi ito ni Kate baka sakaling familiar siya. Pinagmasdan niya ang itim na sobre totoo nga na pangalan lang ang nakasulat ang nakakapag taka buong pangalan pa niya.

"LARA YVES CASSIDY"

Akmang bubuksan na ito ni Kate ng may biglang kumalabog sa may kusina.

"Saglit lang titignan ko muna yun." tumayo si Kate at agad na tumungo sa kusina.

Dahan dahan niyang sinisipat kung ano ang pinagmulan ng ingay at marahan siyang naglakad papunta dito ng biglang..

"Meow!"

"Jusko ka Pebbles ikaw lang pala yan aatakihin ko sa puso sa ginagawa mo!" bulalas ni Kate habang nakahawal sa dibdib niya.

"Oh may alaga ka na palang pusa." biglang nagsalita sa likuran si Lara at agad na binuhat ang pusang si Pebbles.

"Ah oo nakita ko siya kanina sa kalsada. Mukhang walang may ari kaya inuwi ko na lang muna kawawa naman." sagot ni Kate sabay hinimas ang itim na balahibo ng pusa.

"Aww ang cute mo naman mukhang maaalagaan ka dito ng maayos." patuloy parin sa paglalaro ni Lara sa pusa.

"Balik na tayo sa pinag uusapan natin saan na ba tayo?" tanong ni Kate at lumakad na ulit papunta sa sala.

"All of the strange events began when I received the envelope. Hindi ko alam kung nagkataon lang pero ayun nararamdaman ko. Hindi ko mapaliwanag kung saan at kanino galing ang envelope na yan nakakapag taka dahil nakalagay ang buong pangalan ko hindi ko naman madalas ginagamit ang buong pangalan ko." dagdag pa ni Lara.

"Nakakakilabot naman yan siguro tignan mo na rin ang lahat ng CCTV footage sa company niyo baka mapaano pa kayo." suhestiyon ng kanyang kaibigan.

"Oo bukas na bukas rin." sagot ni Lara

Biglang tumunog ang cellphone ni Lara at agad niya namang sinagot ang tawag.

"Nasaan ka na? Nandito na ako sa bahay umuwi ka na anong oras na baka nasa galaan ka na naman." saad ng nasa kabilang linya.

Si Lemuel pala ang tumawag at halatang iritable na naman siya.

"Ang kapal naman ng apog niya siya lang ba pwede lumabas ng dis oras ng gabi?" galit na banggit ni Kate at narinig niya ang mga sinabi ng kasintahan ng kaniyang kaibigan.

"Oo sige pauwi na rin ako kumain ka na ba? Paghahain kita." tanong ni Lara na may malumanay na tono.

"Tapos na umuwi ka na lang dito at marami pang lilinisin sa bahay." sagot ni Lemuel at ibinaba na ang tawag.

"Sayang naman yung niluto ko para sa kanya masasayang na naman, sa susunod nga sayo ko na lang dadalhin ang mga niluto ko." saad  ni Lara sa kaibigan niyang si Kate.

"Sure para hindi naman masayang. Paano iyang boyfriend mo nagpipiling asawa agad parang katulong ka na nga ata. Hirap talaga pag live in partner." yamot na tugon ni Kate.

"So I need to go, take care balitaan kita sa mga malalaman ko. Chill ka lang muna diyan." paalam ni Lara at lumabas na ng pinto.

"Ingat ka sa biyahe mo bessy." sigaw ni Lara at nag ayos na ng mga kalat at kinainan nila kanina.

Maraming nangyari ngayong araw at nagpahinga na rin si Kate pagkatapos niya maglinis sabay binuhat si Pebbles papunta sa kanyang higaan.

If you're in the middle of the discomfort. After a rainstorm, there is usually a rainbow.