Chapter 50

REESE' POV

Dalawang linggo na ang nakalipas ngunit sariwa pa rin sa akin ang mga pangyayaring hindi ko inaasahan sa buhay ko. Dalawang buhay ang nawala nang dahil lang sa pagmamahal nila sa akin o matatawag na obsesiyon. Pareho nang nailibing ng maayos sina Carlo at Austin. Bakas ang gulat at lungkot ng pamilya nila dahil sa nangyari. Halos mahimatay na noon sa libing ang mommy ni Austin na si Mrs. Jimenez dahil sa pagkawala ng anak niya. Nakita ko naman ang lungkot sa mga mata ni Mr. Carlos Montreal nang makita niya ang anak niyang si Carlo na wala nang buhay. Sinisisi nito ang sarili niya at sinasabi na kung hindi niya tinulungang makalaya si Austin ay hindi mangyayari ang lahat ng ito. Things happened unexpectedly and this a new chapter of life for me and Sky.

"Ang gwapo pala talaga ni Austin noong bata pa lang siya no?" Banggit ni Ailah habang ipinapakita ni Cyndi sa kanya ang mga photo albums ni Austin noong bata pa lang siya.

Tumango sina Serene at Lian dahil sa sinabi ni Ailah