31 - Her plan

Pagkatapos kong ayusin ang sarili ko ay lumabas ako ng kwarto. Sa totoo lang wala talaga akong ginagawa dito kapag nasa school si Antalia. Minsan nagvo-volunteer akong tumulong sa kanila sa mga gawaing bahay para hindi ako mainip pero ayaw naman nila. Hindi ko raw iyon trabaho kaya madalas ay sa garden ako tumatambay. Presko kasi roon at nandoon pa si kuya Diego na hindi nauubusan ng kwento.

Nakita ko si Fernan na galing sa kusina nang makababa na ako ng hagdan. Nginitian ko ito.

"Ano iyan?" tanong ko sa kanya habang may hawak siyang maliliit na bilog na may iba't ibang kulay na nakaplastik.

"Pakain sa mga isda. Magpapakain ako, gusto mo sumama?" nakangiting tanong nito.

Mabilis akong tumango. Nagtungo kami sa may gilid ng bahay malapit sa may garden. May maliit na pond doon na may waterfalls sa gilid. May mga isdang iba't iba ang kulay na naroon.

Inabutan ako ni Fernan ng bahog kaya mabilis kong inilahad ang kamay ko para ilagay niya doon. "Kay Lia ang mga isdang ito. Madalas siyang