22

"Matutulog na kami, Sab." Pero hindi siya nakinig at pumasok pa rin siya sa loob at agad na umupo sa tabi ko.

 

"Anong nangyari, kailan mo pa ako niloloko?" tanong niya at nakita ko ang pamumula ng mata niya.

 

"Hindi kita niloko Sab, ang totoo niyan---" bumuntong hininga muna ako. Kailangan ko sabihin sa kanya ang totoo, pasensya na Alexa pero kailangan kong magpaka-honest ngayon, total ikaw rin naman makakasama ko. "----napikot ako."

 

"Ano?" Nakita ko ang pagkabigla sa mukha niya.

 

"Nalasing ako at nagising na magkatabi kami sa kama kaya wala akong choice kundi pakasalan siya sa mismong araw na ýon dahil kailangan ko siyang panagutan." Binaliktad ko na lang ang sitwasyon para hindi na siya mangulit at hindi na magtaka pa.

 

"Mahal mo?" Mahal ko nga ba? Syempre hindi ang sagot. Pero ang totoo mukha naman hindi mahirap mahalin si Alexa kahit madalas mainit ang ulo.

 

"Ewan, pero kailangan ko siyang panagutan," sagot ko. Ayaw ko na paasahin si Sabrina dahil alam ko na walang patutunguhan ang kung ano man ang meron kami.

 

Nanlaki ang mata ko nang hawakan ako ni Sabrina sa mukha at mabilis na hinalikan sa labi. Isang h***k na mula sa babaeng matagal kong pinangarap at ang tagal kong hinintay. Pero wala akong ibang naramdaman ngayon kundi bilis ng kaba, hindi dahil sa excitement kundi sa takot na baka malaman ni Alexa ang nangyari.

 

Tinulak ko si Sabrina at mabilis akong tumayo.

 

"Mahal kita Azrael, akala ko kasi makakapaghintay ka." Nakita ko ang pagpatak ng luha niya at alam ko na nasasaktan siya. Aminado akong minahal ko rin siya pero hindi na pwede.

 

"Pasensya na kung pina-asa kita, Sab, pero sana maniwala ka na totoo lahat ng sinabi at pinaramdam ko sa'yo. Kaya ko naman talaga maghintay kahit sampung taon pa uli kung hindi lang ako napasubo. Hindi na ako pwede umatras dahil kasal na kami at asawa ko na siya."

 

"Paano ako?" tanong niya habang tuloy-tuloy sa pag-iyak.

 

"Move on ka na lang." Hindi ko alam kung anong sasabihin ko eh. Ayoko siyang umaasa kaya move on na lang siya.

 

"Babawiin kita."

 

"Anong?"

 

"Minahal mo ako, at bago siya ay ako ang nauna. Kaya hindi ka mahirap bawiin at lahat gagawin ko makuha lang kita." Saka siya tumayo at lumapit sa akin at muli akong hinalikan. Sa pagkakataong ito ay mas naging mapusok ang h***k niya sa akin at napapikit na lang ako saka gumaganti na sa h***k niya.

 

Ang tagal ko itong pinangarap. Ang tagal kong hinintay at pinanabikan na mangyari ito. Hindi biro ang taon na hinintay ko para sa pangarap na ito na ngayon ay kusa nang lumapit sa akin. 

 

Nakahawak na kami sa batok ng bawat isa at napapaatras na siya hanggang sa tumama na siya sa pader. Hindi pa rin naputol ang halikan namin at naramdaman ko na lang na gumapang ang kamay niya sa loob ng damit ko at kinakapa ang puson ko.

 

Hinawakan ko na rin ang d****b niya at napasinghap na lang ako sa pananabik sa susunod na mangyayari. Nilalaro ko na ang korona niya habang hindi pinuputol ang halikan namin. Mas uminit pa ang tagpo nang hinihimas niya ang natutulog kong bird.

 

"Ay porn!" Sabay kaming napabitaw ni Sab at parehong nag-iwas ng tingin nang makita namin si Rav na nakatayo sa pintuan. "Pasensya na, makikikain lang sana. Bukas kasi ang pinto kaya pumasok na ako. Wag niyo na ako pansinin, maitim naman ako kaya hindi na ako kita sa dilim," sabi niya saka pumasok sa kusina. "May kwarto naman kasi sa sala pa naglalampungan," bulong niya.

 

"Azrael," bulong ni Sabrina sa akin habang nakahawak sa pisngi ko at hinalikan ako ng pino sa leeg.

 

"M-mali 'to Sab," sabi ko saka tinanggal ang kamay niya.

 

"Isusuko ko lahat saýo, Azrael, para naman talaga saýo 'to." Napatingin ako sa kanya at nakita ko sa mata niya na desidido siya sa mga pwedeng mangyari.

 

Anak ng---- lalaki lang ako at ang babaeng ito sa harap ko ang totoong mahal ko na pinangarap ko. 

 

"Azrael," bulong niya at hinawakan ako sa d****b.

 

Bahala na! 

 

Hinawakan ko si Sab at hinila papunta sa kwarto para ituloy ang naudlot nang biglang lumabas si Rav sa kusina habang may bitbit na plato na puno ng pagkain.

 

"Oi, alam ko na ýan, gawin mo ýon tinuro ko ha." Natatawa niyang sabi na hindi ko na pinansin para magawa namin ang gusto ng katawan namin nang bigla siyang nagsalita ulit. "Sino pala ýong babaeng hinatid mo sa kotse kanina? Ganda noon ah, sexy pa, may boyfriend ba ýon?" Hindi ko natuloy ang paghakbang dahil biglang rumehistro sa isip ko ang mukha ni Alexa. Nakasimangot at nakatitig sa akin.

 

"Azrael," tawag ni Sabrina sa akin.

 

"Parekoy, bisita mo ba ýon?" tanong ni Rav habang may subo ang hita ng manok. "Kung hindi ako alanganin papareto ako sa'yo, kaso tagilid ako doon. Pwede ka sana doon kasi lamang ka ng tatlong paligo sa akin kaso may bebelabs ka na at ayan oh dadalhin mo pa sa kwarto. Naks! damihan niyo agad ha para sulit sa pawis, teka, wala pala akong juice." Tumayo si Rav at bumalik sa kusina.

 

"Az----"

 

"Umuwi ka na, Sab," sabi ko saka binitawan ang kamay ni Sabrina.

 

"Pero----"

 

"Pasensya ka na kung hindi ako nakapag-pigil, pero mali 'to dahil may asawa na ako."

 

"Azrael,"

 

"Sorry," sabi ko saka pumasok sa kwarto.

 

'Diyos ko po, patawarin niyo po ako.' Muntik na ako doon kung hindi dumating si Rav at binanggit si Alexa. Ang rupok ko tang-ina. Wahhhh! Bakit kasi hindi nagising sina mommy? O kaya naman lumabas ng pintuan para sawayin kami. First day pa lang nang kasal namin nagtaksil na ako.

 

Napakasama kong asawa!

 

Buti na lang at nagdesisyon si Alexa na sa kanila ako titira dahil kung hindi ewan na lang kung ano mangyayari sa susunod. Siguro kailangan ko na iwasan si Sabrina tuwing mag-uusap o magkikita kami.

 

Aish!

 

Napapahilamos na lang ako ng mukha dahil sa sobrang pagsisi sa ginawa kong katangahan.

 

 

 

 

=RAV POV=

 

Pag nognog dapat alert. Maitim ka na nga, tatanga-tanga ka pa. Walang konek pero may sense. Ang totoo kanina pa ako sa bubong habang naghihintay nang mabobosohan. 

 

'Di joke lang.

 

Pero kaninang hapon pa talaga ako sa bubong nila Azrael. May puno kasi sila ng mangga at ang mga sanga na nagsilbing lilim sa bubong nila kaya dito ako madalas nakatambay habang nanonood ng porn sa selpon at nagpapagutom.

 

Nakita ko ang pagdating ng sasakyan kanina at pagbaba ng tatlong maangas na nilalang na bisita nila Azrael. Narinig ko lahat ng pag-uusap at nagulat ako dahil asawa niya si Alexa Lestrange. Pababa nga sana ako kanina pero nakita ko silang pumasok sa kwarto kaya hindi ko na tinuloy, malay niyo makasaksi ako ng live show. Pero mahina si bespren, waley sa bakbakan.

 

Ibang live show tuloy nakita ko nang dumating si Sabrina. Gusto ko na bumaba pero dahil likas akong mamboboso kaya hinayaan ko muna. Umawat na lang ako nang mapansin kung nadadala na si kupal sa kaharutan ng babaeng ýon. Hindi pa nakontento at gusto pa magpabiyak kahit alam nang may asawa iyong tao. Gusto pa yatang maging kabit?

 

'Tang-ina, bakit may mga babaeng ang hilig isiksik ang sarili nila sa may asawa?

 

Oo na, naagawan siya, pero kailangan ba talaga ipasiksikan ang sarili kung pwede naman maghanap ng iba? Ano ba pinagkaiba ng yagbols ni Azrael sa yagbols ng ibang lalaki? Pare-pareho lang naman ang hitsura ng yagbols at talong. 

 

Ito naman marupok kong besprend na 'to ang bilis bumigay. Tapos pag nasukol sasabihin lang hindi sinadya. Nasarapan ka tapos hindi sinadya? Magsosorry na parang walang nangyari. Sorry mo mukha! Nakasakit ka at nakagawa nang mali tapos sorry. May mababago ba sa sorry? Butasin ko ulo mo at sabihin kong sorry, mapapatawad mo ba ako?

 

Mga walang hiya, lapastangan, kasuklam-suklam na karimlam. Pwede naman umiwas umpisa pa lang para hindi na umabot sa hindi maganda. Ayaw na lang kasi aminin na gusto rin kaya nagpatangay sa tukso. Gagawa pa ng dahilan tapos magsisi at maninisi na kesyo ganito, ganyan. Nanggigigil ako sa mga haliparot at marurupok eh. 

 

Hindi na lang manood ng porn at magsarili kaysa mag-agaw nang pag-aari ng iba. Kaya ayaw kong nagugutom ee, kung anu-ano tuloy naiisip ko. Itong kasing Sabrina na 'to ang landi-landi. Sarap tsinelasin sa mukha ke-babaeng tao.