Chapter 31: HE LOST

May mga sasakyan ring dumating mula sa likuran nila. Mas lalo siyang kinabahan na baka makita ang sasakyan nila ngunit napansin niyang tila wala namang pakialam ang mga iyon sa kanila.

Halata rin kay Stella na natatakot, ngunit mas pinili nitong panoorin ang nasa unahan. Binalik na rin niya ang paningin roon, at nakita niyang pinapahiga ng mga ito si Lucas sa semento. Medyo basa pa dahil sa talsik ng tubig mula sa dagat.

Ang dumating na dalawang sasakyan, malaki ang mga ito, tila mukhang ambulansya pa ang isa pero wala lang pangalan na Ambulance. Bagkus may Logo, bilog na kulay ginto, sa loob ng bilog, kulay ginto rin na diamond pero hindi straight na diamond ang design dahil mayroon pa itong patulis na maliit malapit sa intersection. And sa loob naman ng diamond ay isang diamond ulit, at may pa-slant na ispada. Ang hawakan nito ay mula sa kanan sa itaas at ang dulo ay patusok sa kaliwa paibaba.

Nasa banda mismo nakaharap ang likuran ng sasakyan na iyon kaya nakikita nila na mayroon