14 - Open Relationship

HIRAYA ALMENDRAL

***

"Ate, gutom na ako." Hila-hila ko ang laylayan ng damit ni Ate Melody pero hindi niya ako pinapansin. Sobrang kirot na ng tyan ko dahil sa gutom, pero walang pumapansin saakin.

Iyak ng iyak si Imori dahil narin sa gutom, pero hindi man lang kami pinapansin ng mga ate't kuya namin.

"Kuya," tawag ko kay Kuya Harold.

"Tabi, Hira! Huwag mo 'kong guluhin!" Pagwawakli nito sa kamay kong nakahawak sa kanya.

Tumulo ang luha ko at umalis din sa kanya. Nagpunta ako sa kusina para tignan kung may pagkain ba pero wala. Ni Kanin ay wala. Kaagad din akong nagtungo kung saan nakalagay ang bigas pero maging ito ay walang laman.

Naluluha akong lumapit kay mama na nakahiga sa kahoy na upuan habang may hawak ng bote ng alak.

"Mama," tawag ko dito pero hindi ito sumagot.

"Mama," muli kong tawag at niyugyog ang katawan nito.

"Tangina, Hira! Kita mong natutulog ako dito!" Nanginginig ang buo kong katawan sa sigaw ni mama.

"Cielo!" Singhal sa kanya ng bago nitong kasintahan.

"Ayos ka la