Kabanata 7

Kabanata 7

May maliit na kurba sa labi ni Eunice habang inaayos ang mga bulaklak na Carnation sa vase. Tapos na niyang linisin ang buong living room sa tulong ng kasambahay ng mag-asawang Klinn at Cassy. Jelai is a hyper woman. Iyon kaagad ang napansin ni Eunice sa dalagang maid pero pasalamat din siya sa kadaldalan nito dahil kahit paano ay naokupa ang isip niya ng mga kwento nito at walang humpay ang kanyang pagtawa.

"Alam mo ba ate Eunice? Si Ma'am Cassy? Akala ko talaga mamamatay na 'yan noon sa sobrang lungkot. Halos minsan nga hindi na umaabot sa loob ng bahay. Sa pinto pa lang hagulgol na ang peg nun." Kwento na naman ni Jelai.

Nahinto sa paggupit ng stem ng bulaklak si Eunice para lingunin si Jelai na prenteng nakaupo sa sofa at may hawak na magazine. "Bakit naman? Aren't the in good terms before?"

Pumakla ang ngiti ni Jelai at kumislap ang awa sa mga mata nito. "Hindi kasi naging maganda noon ang sitwasyon nila tapos na-comatosed pa si Sir Klinn ng four years. Isipin mo, four years ding halos lumuha ng dugo si Ma'am Cassy makalapit lang kay Sir Klinn. Kung ako yun, hmp! Baka naghanap talaga ako ng iba kesa pinagtatabuyan ako."

Nakaramdam ng awa si Eunice ngunit sa huli, nanaig ang bilib niya kay Cassy. Hindi niya inakalang dumaan ang dalawa sa ganoong tagpo ng kanilang buhay. Kung titignan kasi ang mga ito ngayon, para bang kasisimula lang ng love story nila at sobrang sariwa pa ng pagmamahal na nadarama nila para sa isa't-isa.

Kumirot ang puso niya nang maalala kung gaano rin kainit ang pagmamahal nila ni Terrence noon. Hindi niya alam kung bakit sila humantong sa ganito, sa isang sitwasyong tila bangungot na walang katapusan.

Napabuntong hininga siya at pilit na ngumiti. "Napakaswerte ni Sir Klinn. Hindi lahat ng babae ay kayang tiisin ang sakit. Women are often weakest when struck in their hearts. Minsan sa sobrang sakit ay kusa na lang namamanhid ang puso at isang araw, magigising ka na lang na wala ka nang maramdamang pagmamahal." Tinuloy niya ang paggupit sa stem ng bulaklak. "Kaya ikaw, Jelai ha? Huwag kang basta papasok sa relasyon kung alam mong hindi pa handa ang puso mo. Madaling tanggalin ang label pero yung kirot sa puso? Hindi."

"Ate Eunice, hindi pa naman talaga ako ready. Iaahon ko pa sila tatay sa hirap. Marami pa akong pangarap. Pupunta pa ako ng iba't-ibang bansa at hahaplusin ko pa ang abs ni Shawn Mendes." Humagikgik ito.

Natawa tuloy si Eunice. "Ikaw talaga puro ka kalokohan!"

Pinuno ng kanilang halakhak ang silid hanggang sa bumukas ang main door at pumasok ang mag-asawang Klinn at Cassy. Nakasunod naman sa kanila ang isang lalakeng kung tatantyahin ni Eunice ay nasa five ten din ang taas. Hindi ganoon kalakihan ang pangangatawan nito at moreno ang kutis ngunit napakaganda ng bilugan nitong mga mata. Manipis din ang mga labi nito at kaunting galaw lang ng bibig ay lumalabas na ang dimples nito sa magkabilang pisngi. May pilat ito sa kanang cheekbone ngunit nakadagdag lamang ito sa dating ng binata.

"Eunice, Jelai." Nakangiting tawag ni Cassy. "This is Vhon. Siya ang bagong nurse ni Keios."

Tumayo si Jelai at ngumiti, halatang nagpipigil na magpakita ng kilig sa binata. "Hello, kyah. Jelai po. Super-maid nila Ma'am Cassy. Single but not ready for jowas yet."

Mahinang natawa si Vhon dahil sa sinabi ni Jelai, pati ang mag-asawa at si Eunice.

"Nice to meet you, Jelai. Mukhang magkakasundo tayo." Magalang na tugon ni Vhon bago nabaling kay Eunice ang tingin nito. Sumilay kaagad ang matamis na ngiti sa mga labi ng binata nang matitigan ang mga mata ni Eunice. "Hi..."

Eunice smiled back and slightly nodded her head. "Hello. I'm Eunice."

"Siya ang former nurse ni Keios but since she has a condition, we had to find a new one but Eunice is super nice." Singit ni Cassy saka nginitian si Eunice.

Sandaling sinulyapan ni Vhon si Cassy dahil sa sinabi nito ngunit agad ding ibinalik ang tingin kay Eunice. Hindi alam ni Eunice ngunit tila may kislap sa mga mata ng nurse nang muling magtama ang mga mata nila.

Eunice avoided visiting Keios' room since the last time she went there. Siya pa rin ang naghahanda ng pagkain nito at naglilinis ng silid nito kapag lumalabas sila para sa check ups ni Keios ngunit hindi na muling nag-krus ang landas nila sa nakalipas na dalawang linggo. Kahit pa sabihing hindi naman ganoon kalawak ang mansyon, hindi pa rin sila nagkikita.

Sa totoo lang ay hinihintay lang naman niyang kusa silang magkita. Halata kasi niyang ilag ito sa kanya at hindi niya maintindihan kung bakit. Nang magising naman ito ay parang ayos naman sila. Sinabi pa ngang totoo siyang nakikita nito saka siya nginitian. Nang malaman nitong hindi nito maigalaw ang mga binti, doon ito nagsimulang pakitunguhan siya ng iba.

Sa kabila ng treatment ni Keios, hiling pa rin niyang isang araw ay makalakad muli ito. Makukuntento na lang din siya siguro sa panonood ditong maglaro kung sakaling magpatuloy ang malamig na pakikitungo nito sa kanya.

Sumapit ang araw ng Linggo. Halos magtatatlong linggo na rin silang hindi nagkikita ni Keios.  Madalas ay si Nurse Vhon ang kanyang kakwentuhan tungkol sa lagay ni Keios at sa ilang bagay-bagay.

Dahil wala ang hardinero ay naisipan ni Eunice na diligan ang mga bulaklak. Wala rin ang mag-asawa dahil ang mga ito raw ang sumama kay Jelai para maggrocery. Si Lukas naman ay hindi na nila kinuha pa sa mansyon dahil lalake ang nurse na nakuha para kay Keios. Paminsan-minsan ay pumupunta si Lukas sa kanya para magbalita. 

Ang huli nga nitong kwento ay nasa ospital daw si Terrence pero tikom daw ang bibig nito. Sinasabi pa raw nitong wala raw itong maalala sa nangyari at sinabi pa nitong umalis daw siya isang araw bago naganap ang pagkakabaril. Hindi rin daw ito nagpaumbestiga o nagsampa man lang ng kaso kina Gilbert. Isang bagay na sobrang pinagtataka ni Eunice.

Napabuntong hininga si Eunice nang maalala na naman ang binalita ni Lukas. Binabagabag talaga siya ng kung anumang tumatakbo sa isip ng asawa niya at bakit iyon ang sinabi nito sa mga pulis. Kung anumang balak ni Terrence ay sigurado siyang hindi iyon maganda kaya mas nag-aalala siya para sa anak niya at sa mga taong naiwan sa hacienda.

"Baka malunod ang mga halaman." 

Biglang nagbalik sa reyalidad si Eunice nang marinig ang pamilyar na tinig. Nang lingunin nito ang likod niya ay naroon na pala si Vhon—tulak ang wheelchair ni Keios.

"Vhon..." Pagak siyang ngumiti bago umiling. "Napalalim lang ang iniisip ko."

Ngumiti si Vhon. "Halata nga. By the way, may clinic ang kaibigan ko sa bayan. She's an OB-Gynecologist. Pwede kitang samahan sa kanya sa day-off ko."

"Talaga?" Nahaplos ni Eunice ang kanyang tiyan. "Oo nga pala hindi ko pa napapa-check up si baby."

"Great! Sa Friday wala akong pa—"

"May asawa kang tao bakit ka nandito?" Bigla na lamang sabat ni Keios. Bumaba ang tingin ni Eunice sa matalim kung makatingin nitong mga mata.

Bahagyang nagsalubong ang mga kilay ni Eunice nang mapansing nakaigting ang panga ni Keios na para bang naiinis ito. Wala naman siyang maalalang ginawa rito pero para bang iritable ito kapag nasa paligid siya.

"Mahabang kwento ho ang tungkol sa asawa ko." Magalang pa ring tugon ni Eunice.

Tumaas ang isang kilay ni Keios. "That doesn't change the fact that you have a husband. Anong klaseng asawa ba ang meron ka at hinahayaan kang magtrabaho? You're pregnant. Dapat ay siya ang nag-aalaga sayo at siya ang sumasama sayo sa check ups mo."

Mapaklang napangiti si Eunice. "Gago."

Nanlaki ang mga mata ni Keios ngunit mayamaya ay nagsalubong muli ang mga kilay nito. "Minura m—"

"You asked me what type of husband do I have? Sinagot ko ho kayo. Gagong tipo ang asawa ko." May bahid na ng pait ang tinig niya at lumamig na rin ang kanyang ekspresyon.

Keios seemed stunned with what she said. Ilang sandali itong hindi nakatugon. Mayamaya ay iniwas nito ang tingin at pinagsalikop ang mga palad. "Bakit mo pinili kung gago pala?" 

Eunice doesn't know why she felt bitterness in Keios' tone. Ayaw din siyang tignan nito habang hinihintay ang sagot niya kaya wala siyang nagawa kung hindi muling humarap sa mga tanim at tinuloy ang pagdidilig.

Malungkot siyang ngumiti habang nakatitig sa mga bulaklak na nababasang tubig. "Hindi mo naman kasi malalaman ang tunay na kulay ng isang tao kapag sobrang mahal mo. Dahil ang gugustuhin lang tignan ng mga mata mo ay ang pagmamahal niyo. Kung..." She sighed and gently touched her tummy. "Kung pwede ho sana ay ayaw ko munang mapag-usapan ang tungkol sa asawa ko. Masama raw ho sa buntis ang mga bagay na nakakapagpasama ng loob."

Keios didn't reply. Binalot sila ng katahimikan hanggang sa si Vhon na ang bumasag nito.

"So magpapa-schedule na ako ng check up mo, Eunice? Pwede din kitang ipaalam kay Ma'am Cassy at Sir Klinn." Prisinta ni Vhon.

Lumingon si Eunice at sasagot na sana nang biglang nagsalita si Keios. "You don't have to, Vhon." Matalim na nilingon ni Keios ang nurse niya bago nito binaling ang tingin kay Eunice.

Keios' gaze locked hers for seconds, making her feel the things she wasn't permitted to feel in the first place. Hindi niya maiwasan, dahil sa mga mata ni Keios ay naroon ang guhit ng selos, pagkadismaya...at pagnanasa. 

Keios breathed deeply and looked away, as if he's struggling to control something with in him. Humigpit din ang hawak nito sa armrest ng wheelchair.

"Take us to the doctor tomorrow." Keios gulped. "Ako ang sasama kay Eunice."