Kabanata 5

Kabanata 5

Nanlalamig ang mga kamay ni Eunice habang nakaupo siya sa visitor's chair sa opisina ni Klinn. Ilang sandali matapos niyang ipahawak kay Keios ang kanyang tiyan ay dumating ang doktor nito kasama ang assistant nito. Eunice was supposed to help Dr. Jimenez, too but Klinn excused her.

Alam ni Eunice paglabas pa lang ng silid ni Keios ay marami na siyang kailangang ipaliwanag. The look on the couple's faces shouted nothing but disappointment. She didn't have to ask why anymore. Siguro ay ineexpect ng mga itong honest sila ni Lukas simula pa lang.

Nagpapabalik-balik sa kanila ni Lukas na nakaupo sa katapat na visitor's chair ang tingin ni Klinn. Nakaupo ito sa kanyang swivel chair at nakakalso ang mga siko sa mesa. Ang mga palad nito ay nagkahawak habang panay ang pagpapakawala nito ng mararahas na buntong hininga tapos ay iiling.

Eunice bit her bottom lip when another disappointed sigh escaped Klinn's lips. Napakapit na lamang siya sa tela ng kanyang uniporme na tila iyon na lang ang lifeline niya sa mga oras na iyon. She's already considering her options once Klinn decided to kic her out, but she's still silently praying he wouldn't.

"Lukas, I trusted your recommendation dahil matagal ka na sa pamilya ni Cassy. I have nothing against pregnant women, Eunice pero alam mo naman ang case ng kapatid ko." Panimula ni Klinn. Hinagod niya ang kanyang buhok gamit ang palad pababa sa kanyang batok. Nasa tono nito ang pagkadismaya, ngunit nang tignan siya ni Eunice sa mga mata ay lalo lang itong nadama ni Eunice.

"Pasensya na kayo, Sir kung hindi ko sinabi." Paghingi ng paumanhin ni Lukas. Si Eunice naman ay tinignan siya saka ito binigyan ng nanghihingi rin ng tawad na tingin pero gumanti lamang si Lukas ng isang ngiti. Hindi nga lang umabot iyon sa mga mata ng binata.

Eunice sighed hopelessly while touching her tummy. Hindi niya naman balak sabihin na buntis siya. Hindi pa hangga't hindi niya naaani ang tiwala ng kanyang mga amo. Isa pa, nag-iipon pa siya ng lakas ng loob para ilahad sa mga ito ang nangyari sa kanya. Kung bakit niya sinabi kay Keios iyon, hindi niya pa rin alam. She gets a little impulsive at times. O siguro talagang desperado siyang pawiin ang matinding frustration na nakaguhit sa mga mata ni Keios kanina.

Those eyes used to sparkle with joy and pride whenever he's on the field, carrying the country's name on his shoulders. Ang nakita niya kanina ay kawalang pag-asa. Hindi iyon ang Keios na kinasanayan niya.

Sumandal si Klinn sa kanyang swivel chair at gumawa ng maliit na ingay ang paggalaw ng back rest nito ngunit ganoon pa rin ang atmosphere ng silid. Nakakabingi ang katahimikan at makapigil hininga ang paghihintay ni Eunice sa magiging desisyon ni Klinn.

"Eunice, sana sinabi mo rin nung kinausap ka namin. To be honest, disappointed talaga ako kasi akala ko—"

"K—Kaya ko ho." Naglakas loob na siyang tignan si Klinn ulit sa mata kahit ang totoo ay nangangatog ang kanyang tuhod sa takot na anumang oras ay baka nasa lansangan na siya kung saan madali siyang mahahanap ni Terrence.

But she thought of her baby. She thought of the dangerous world her child could see in its father's arms. Natatakot siya para rito. Natatakot siyang wala pa man ito ay mabawi na rin ito sa kanya.

Lumunok siya at nilapat ang palad sa kanyang sinapupunan. Si mommy ang bahala, anak. Kakapalan ko ang mukha ko mabuhay lang tayo ng ligtas mula sa ama mo.

"Sir Klinn, alam kong mahihirapan na kayong magtiwala sa akin ngayong nalaman niyong hindi ko inamin ang totoong kalagayan ko pero pinapangako ko ho na magiging mahusay na nurse ako ni Sir Keios. Kung hindi ninyo naitatanong ay ako ang nagrescue sa kanya noong gabing naaksidente siya. I will never forget how my heart jumped in fear when his heartbeat gone weak pero ginawa ko ang lahat para mailigtas siya dahil alam kong kaya ko." Humugot siya ng malalim na hininga. "Buntis ako pero hindi ko nakalimutan kung paano mag-alaga ng pasyente ko."

"Please don't get me wrong, Eunice. Ang gusto kong sabihin ay paano mo matutulungan si Keios kapag nahulog siya sa wheelchair? Kapag kailangan niyang subukang tumindig? Kapag kailangan siyang ilipat sa kama? Sorry. It's my fault, too. Dapat ay lalakeng nurse ang kinuha ko at hindi basta pumayag na lang nang makiusap si Lukas." Tugon ni Klinn bago nito hinilamos ang palad sa mukha.

Bumigat lalo ang dibdib ni Eunice, ngunit hindi siya pwedeng sumuko na lang basta. Kailangan lang niyang umisip ng paraan para mapapayag ang mga itong manatili siya bilang nurse ni Keios. Pero paano?

Binuka niya ang kanyang bibig ngunit wala siyang naisip na paraan. Sa huli, bumuntong hininga na lamang siya at muling tinikom ang bibig bago kinagat ang ibabang labi.

"A—Ako ho." Bigla na lamang sabi ni Lukas.

Napaangat ng tingin si Eunice dito ngunit tinanguan lang siya nito ng mahina. "Sir, b—baka pwede kong kausapin ang bossing ko na dito muna ako magtrabaho bilang alalay ni Ma— ni ate Eunice. Tutal nasa ibang bansa pa naman siya at wala rin akong masyadong gawain sa mansyon nila, mas may pakinabang ako kung dito muna ako." 

"Lukas..." Mahinang tawag ni Eunice.

"Sir, mabuting tao ho si ate Eunice at napakahusay niyang doktor. Ang mama ko? Hindi naman niya obligasyong i-monitor ang BP ng mama ko pero kahit mainit sa farm, magtitiis siyang pumunta roon dala ang pangkuha niya ng blood pressure kaya alam kong nasa mabuting kamay si Sir Keios kung si ate Eunice ang magiging nurse niya. Sana po pag-isipan niyong mabuti. Buntis po siya at wala na siyang mapupuntahan kung tatanggalin niyo siya sa trabaho. Sana, sana bigyan niyo siya ng pagkakataon." 

Gustong maiyak ni Eunice dahil sa paghingi ng tyansa ni Lukas para sa kanya. Simula nang mapangasawa niya si Terrence, para bang nawalan na siya ng kakayahang itayo ang sarili niya. Palaging may ibang gumagawa ng mga bagay para sa kanya. Hindi tuloy niya alam kung maaawa siya sa sarili o matatawa. 

She admits. Naging mahina na siya. Malayo na siya sa babaeng walang takot na sumusuong sa mga mapeligrong pagkakataon makapagligtas lang ng iba.

Now she's nothing but a pathetic woman who needed someone to speak for her.

Bumuntong hininga si Klinn at sandali siyang tinitigan. Tila malalim itong nag-iisip ng magiging desisyon ngunit hindi na magawang ibuka pa ni Eunice ang mga labi upang kumbinsihin ito.

"Well, I guess I couldn't be that heartless to just drive you out." Hinilot nito ang sintido. "But Eunice, I'm sorry pero kailangan kong malaman ang mga bagay-bagay na dapat mong ipaalam sa amin ni Cassy. We have to understand you."

Malungkot na tinango ni Eunice ang ulo. Inipon niya ang lakas ng loob para simulan ang pagki-kwento, hanggang sa natagpuan na lamang niya ang sariling yapos na ni Cassy. Ito pa ang umiyak para sa kanya nang maikwento niya ang dahilan bakit kailangan niya ang trabahong iyon.

"You should sue that devil, Eunice! Hindi mo deserve na saktan ng pisikal at emosyonal." Ani Cassy habang pinupunasan ang magkabilang pisngi.

Umiling si Eunice. "Hindi ko ho iyon pwedeng basta gawin."

"Bakit hindi? What you did is just self defense. Klinn, baby we have to help her." 

Mapakla siyang ngumiti at hindi na lamang sumagot. Tama nang may trabaho pa siya. Saka na niya iisipin si Terrence kapag nakapanganak na siya. Ang mahalaga sa kanya ngayon ay ang magiging kaligtasan ng kanyang anak at ang tiwala ng mga taong nagbigay sa kanya ng tutuluyan.

"Hindi ka namin pipilitin, Eunice. He is still your husband kaya siguro nahihirapan kang magdesisyon. But if you need any legal assistance, may mahusay na lawyer kaming kilala. Sabihan mo lang kami." May matipid na ngiting ani ni Klinn.

Pagak siyang ngumiti at tinango ang ulo. "Maraming salamat po sa hindi pagtanggal sa akin."

"I should be the one thanking you for saving my brother. Ang liit naman talaga ng mundo." Dugtong ni Klinn.

Magsasalita pa sana si Cassy nang may kumatok sa pinto. Mayamaya ay bumukas ito at pumasok si Dr. Jimenez.

He is in his fourty's but Eunice can still say he's good-looking. Hindi naging hadlang ang ilang linya sa mukha nito para hindi niya mapunang makisig ang doktor lalo na noong kabataan nito.

"Klinn, your brother wants me to tell you something." He removed his glasses and massaged the bridge of his nose before he let out a sigh.

Nagsalubong ang mga kilay ni Eunice nang mabaling sa kanya ang tingin ng doktor, ngunit nang muli itong nagsalita ay halos manlamig ang katawan niya.

"Your brother wants you to get him a new nurse..."