Kabanata 122

Blair Castro

MAAGANG umalis si Lukas kaninang umaga para sa business conference niya bukas. Pinasundan ko siya kay Mr. Kim para tiyaking ligtas siya. Pinacheck ko rin ang flight niya at ang mga posibleng paraan para saktan siya ng mga Gonzales o ng kung sino man. Sa bahay naman ay pinaiwan ni Mr. Kim ang ilang tauhan niya para magbantay. Tumawag nga sa akin si Jeanette kanina kasi akala niya raw ay kung sino ang mga tao sa labas pero sinabi ko naman sa kaniya na magbabantay ang mga ito sa kanila.

“Ma,”

Napatingin ako kay Onyx na lumabas ng banyo. Agad ko siyang nilapitan at kinuha ang toothbrush niya.

“Matulog ka na, 'nak,” sabi ko kay Onyx. Agad naman siyang tumango at sumampa sa kama.

Agad akong tumabi sa kaniya. Niyakap ko siya saka ako pumikit. Naramdaman ko ang paghaplos ng kamay niya sa pisngi ko bago ak