Chapter Sixty Two

     

     MATAPOS na isalaysay lahat ni Alyssa ang nakaraan ay halos walang makapang salita si Aevo at Aizo pansamantala silang napipi. Tila tinitimbang ang lahat ng mga narinig nila buhat sa ina.

"M-masakit man iwan ko kayo noon mga a-anak ay kinailangan ko,"ang umiiyak nitong sabi na nagpupunas na ng luha. Maging sina Minnie at Lauren na nakarinig sa pagkwe-kwento ng kanilang biyenan ay napaiyak din sa lahat ng pinagdaanan nito.

"Bakit hindi ka man lang nagsalita dati?"ang mapait na tanong ni Aevo na nakaiwas ng tingin ngunit mahihinuhang nasasaktan ito sa mga narinig mula sa kanyang ina.

"Dahil ako ang humiling sa kanya V na huwag sasabihin sa inyo ang mga ginagawa ni Gustav sa Mommy niyo,"pag-agaw ng pansin sa kanila ni Lola Saifa na kadarating lang din sa resort.

Bigla naman napatayo si Aevo at hindi halos makapaniwala sa sinabi ng kanyang Lola.

"Nagsinungaling ka Lola? b-bakit..."

"Dahil natakot ako